Titulli: Gruaja
Origjinali: The Lowland
Gjinia: Roman
Autori: Jumpa Lahiri
Shqipëroi: Krenar Hajdëri
Shtëpia botuese: Fjala Publishing
Viti: 2017
Fq. 464
Pesha: 0.501 kg.
ISBN: 978-9928-176-25-7
Mbi librin
Të lindur me pesëmbëdhjetë muaj diferencë, në periferi të Kalkutës në vitet e tmerrshme të luftës për pavarësi, vëllezërit Subash e Udajan ngjajnë si dy pika uji sa dhe të afërmit i ngatërrojnë, por janë po aq të ndryshëm nga njëri-tjetri. Subashi është i heshtur dhe mendimtar, ndërkohë që Udajani është rebel dhe i hedhur.
Kështu, rreth viteve gjashtëdhjetë, kur në universitetet bengaleze shpërthen një valë protestash të një grupi maoist kundër padrejtësive, Udajani përfshihet me mish e shpirt duke marrë parasysh rreziqet; nga ana tjetër Subashi preferon të qëndrojë larg e të niset për në SHBA.
Jeta e tyre duket se merr rrjedha krejt të ndryshme: Subashi fillon një karrierë të qetë studiuesi në qytezën bregdetare Rhode Island, ndërsa Udajani, duke iu kundërvënë zakoneve, vendos të martohet me dashuri me Gaurin, një studente e filozofisë, e dashuruar pas karizmës dhe pasionit të tij.
Pastaj shpërthen tragjedia, e papritur dhe shkatërrimtare. Kur Subashi merr vesh atë që i ka ndodhur të vëllait, niset menjëherë për në Kalkutë dhe përpiqet të shërojë plagët e familjes dhe, sidomos, ato të Gaurit.
Kjo grua e pavarur dhe e fortë, bashkë me vajzën që mban në bark, bëhet sakaq simboli i lidhjes së pathyeshme mes dy vëllezërve, duke marrë rolin kryesor në një histori ndjenjash e braktisjesh, arratisjesh dhe rikthimesh.
Mbi autoren
Jhumpa Lahiri lindi në Londër më 1967-ën nga prindër bengalezë dhe u rrit në SHBA, ku jeton ende. Me veprat e saj ajo ka fituar çmime të panumërta, si Pulizer Prize, Pen/Hemingwey Award, Frank O'Connor International Short Story Award dhe Guggenheim Fellowship. Në vitin 2012 u pranua anëtare e Akademisë Amerikane të Artit dhe të Letërsisë.
