Titulli: Mbi heronjtë dhe varret
Origjinali: Sobre héroes y tumbas
Gjinia: Roman
Autori: Ernesto Sabato
Shqipëroi: Bajram Karabolli
Shtëpia botuese: Pika pa sipërfaqe
Viti: 2016
Fq. 596
Pesha: 0.619 kg.
ISBN: 978-9928-185-37-2
Komente mbi librin
"Romani më i madh i Amerikës Latine, një nga romanet më të mëdhenj të shekullit XX."
Claudio Magris
"Një libër që ngërthen në vete të gjitha llojet e romaneve, nga ai gotik te sentimentali, nga romani filozofik te satira sociale, por që më në fund mund të cilësohet vetëm siç e ka përshkruar Gombrowicz-i, 'i llojit plot me dyshime, nga ato romane që lexohen me një frymë, dhe [që] kur i mbarojmë së lexuari vërejmë se ka ardhur ora katër e mëngjesit'".
Ernesto Franco
"Roman tronditës, i përshkuar nga një metaforë magjepsëse: 'Raporti mbi të verbërit'".
Witold Gombrowicz
Mbi autorin
Ernesto Sabato u lind më 1911 në Rojas, pranë Buenos Airesit. Në vitet 1930 diplomohet për fizikë. Më pas shkon në Europë, në fillim në Bruksel e më pas në Paris, ku frekuenton qarqet e surrealistëve. Më 1940 kthehet në Argjentinë si profesor i fizikës në universitetin e La Platës të Buenos Airesit.
Më 1941 nis të bashkëpunojë me revistën Sur, së bashku me Borges-in, Silvana Ocampo-n dhe Bioy Casares-in. Që nga viti 1945 e braktis karrierën prej shkencëtari për t'iu përkushtuar plotësisht letërsisë dhe pikturës. Në vitin 1948 boton romanin e tij të parë, "Tuneli". Gjatë viteve '50 shkruan kryesisht ese dhe shkrime politike, dhe përgatit kryeveprën e tij, romanin "Mbi heronjtë dhe varret".
Më 1974 boton romanin e tij të tretë, "Abadon, engjëlli i humnerës". Më 1985 vlerësohet me çmimin "Miguel de Cervantes" (i cilësuar rëndom si "çmimi Nobel për gjuhët hispanike"), me motivacionin "katër dekada përpjekje letrare". Sabato konsiderohet sot si një prej shkrimtarëve më të mëdhenj të shekullit XX.
