Titulli: Lotët e babait tim
Origjinali: My father's tears and other stories
Gjinia: Novela
Autori: John Updike
Shqipëroi: Bekim Bejta
Shtëpia botuese: Buzuku
Viti: 2010
Fq. 112
Pesha: 0.173 kg.
ISBN: 978-9951-08-113-4
Koment nga Bekim Bejta
Lotët e babait tim përfshin pesë novela, në të cilat Updike trajton disa tema, disa lidhje të ndërvarshme, prindërit, bashkëshortët, aventurat jashtëmartesore, fëmijët. Aty shfaqen thekshëm ndërlidhjet, marrëdhëniet, ndërveprimet, kundërveprimet, bashkëveprimet e tyre – duke u munduar për t'u shkëputur, dhe prapë duke u bashkëlidhur ose duke kujtuar me përmallim apo me pendim të kaluarën, prindërit, bashkëshorten apo dashnoren e mëparshme...
Një ndërlidhje e papajtueshme dhe e pandashme ndërmjet të kaluarës dhe të tashmes, mes dy familjeve, dy krijesave. Përherë, nocioni i kohës në shkrimet e Updike merr një dimension tjetër. Tri nga pesë novelat: Bashkëshortet brishtake, Si ishte në të vërtetë? dhe Lotët e babait time janë shkruar në mijëvjeçarin e tretë dhe japin një pasqyrë të njëmendët të shkrimit modern të nivelit më të lartë në të gjitha aspektet.
Mbi autorin
John Updike (1932 – 2009) është njëri nga shkrimtarët më të shquar amerikanë, njëkohësisht është shumë i njohur në qarqet letrare botërore si krjimtar në gjuhën angleze, veprat e të cilit janë përkthyer në shumë gjuhë të botës.
Është fitues i shumë çmimeve: Çmimit të Librit Kombëtar për veprën "Kentauri" në vitin 1963, laureat i Çmimit Letrar Pulitzer, më 1982 dhe 1991, i dekoruar me Medaljen Kombëtare të Arteve nga Presidenti George H. U. Bush më 17 nëntor 1989.
John Updike është mjeshtër i mrekullueshëm i rrëfimit, i novelës dhe i romanit ku gërshetohen mitologjia dhe antikiteti, bota bashkëkohore dhe aventura nga më përmbajtësoret. Në artin e shkrimit, John Updike vlerësohet si një ndër novelistët më të shquar.
Novela e tij është një vepër arti e tejkujdesshme nën ndikesë të përdëllimit, që paraqitet shprehimisht përmes një stili të kthjelltësuar, sado që përshkrimet shkapërthejnë nga thellëtira e mbivrojtimit të imtësive me shfaqje gjuhësisht të ndërlikuar.
