Titulli: Mali i Vogël
Origjinali: Al – Jabal Al – Seghir
Gjinia: Roman
Autori: Elias Khuri
Shqipëroi: Sulejman Tomçini
Shtëpia botuese: Zenit Editions
Viti: 2009
Fq. 192
Pesha: 0.225 kg.
ISBN: 978-99956-787-9-1
Mbi librin
"Mali i vogël" është emri popullor i lagjes së krishterë Eshrafija, në lindje të Bejrutit, ku u rrit tregimtari..., kohë para se pesë burra të kërcejnë në një xhip, me mitraloza në krahë, për të marrë në pyetje nënën e tij.
Absurdi i realitetit shpërfaqet përmes shkrimit onirik që preferon ambicie estetike... Nën një stil obsesiv ngarkese poetike Khuri na i bën të dukshme frakturat e thekshme që lufta civile i shkakton një vendi, një qyteti dhe gjithë banorëve, sa të pafajshëm, aq edhe të huaj në këtë konflikt.
Elias Khuri, lindur në Bejrut në 1948, kryeredaktor i suplementit kulturor të së përditshmes An – Nahar. Kritik letrar, eseist e kronikan, ai ështe deri më sot autori i nëntë romaneve.
Koment nga Edward W. Said
Khuri farkëton (sipas kuptimit Joycean) një karrierë letrare kombëtare dhe risie jokonvencionale post – moderne. Ideja e Khurisë për letërsinë dhe shoqërinë janë njësh me realitetit shpesh tmerrësisht të fragmentizuara të Libanit, në të cilat, thotë ai në një nga esetë e veta, e shkuara diskreditohet, e ardhmja është tërësisht e pasigurt, e tashma e panjohshme.
Mali i vogël riprodhon në mënyrën e vet të veçantë të paformësisë një pjesë të jetës së Khurisë: fëmijërisë në Eshrafija (Bejruti Lindor i Krishterë, i njohur me emrin Mali i Vogël), mërgimi i tij prej saj për shkak të angazhimit të tij me koalicionin nacionalist (mysliman e palestinez), fushatat ushtarake vijuese gjatë pjesës së fundit të 1975 – në qendër të Bejrutit dhe malet lindore të Libanit – dhe së fundi një takim mërgimtari me një shok në Paris.
Kapitujt e veprës shpalosen pra që nga shtëpia e familjes në Eshrafija, tek e cila s'mund të kthehen as Khuri dhe as narratori, duke pasur parasysh dinamikat e pakthyeshme të Luftërave Civile Libaneze, dhe kur kapitujt mbyllen, ata nuk vijnë drejt një prehjeje, një rënieje finale, një ndalese.
