Titulli: Gruaja e pilotit
Origjinali: The Pilot's Wife
Gjinia: Roman
Autori: Anita Shreve
Shqipëroi: Eliona Balilaj
Shtëpia botuese: Ombra GVG
Viti: 2015
Fq. 352
Pesha: 0.378 kg.
ISBN: 978-9928-06-113-3
Mbi librin
Jeta e Ketrinë Lajënsit kishte qenë e qetë dhe e kënaqshme. Duke qenë gruaja e një piloti, ajo ishte mësuar me periudhat e largësisë të të shoqit, por jo me atë çfarë do i duhet të përballet krejt pandehur kur dëgjon një të trokitur në derë në tre të mëngjesit.
Kur Ketrina, krejt papritur mëson se avioni i drejtuar nga i shoqi, ka shpërthyer pranë brigjeve të Irlandës, përballet me fakte të pabesueshme njëra pas tjetrës. E përfshirë në një vorbull të madhe publiciteti që nxitet nga thashethemet se i shoqi, Xheku ka pasur një jetë të fshehtë dhe duke luftuar me dhimbjen, Ketrina niset të mësojë kush ishte në të vërtetë ai, pa marrë parasysh koston.
Kërkimi i saj do ta çojë drejt fakteve shokuese duke dyshuar në të vërtetën rreth martesës së tyre, por edhe në kufijtë e aftësisë së saj për t'u përballur me të. Misteri që vë në lëvizje këtë roman tërë ankth e pasion të vendos përballë pyetjeve serioze: deri ku jemi në gjendje ne t'i njohim personat që na rrethojnë, veçanërisht ata që i kemi më të dashurit, sidomos ata me të cilët ndajmë jetën?
Fragment nga libri
Doli nga rruga kryesore, sipas udhëzimeve që i kishin dhënë dhe eci drejt pikës më veriperëndimore të Irlandës. Çuditërisht aty rruga ishte edhe më e ngushtë, pothuaj aq sa rrugica e makinave përpara shtëpisë së saj. Po si kishte mundësi që nuk i kishte shkuar asnjëherë mendja tek ndonjë lidhje e mundshme, pyeste veten.
Si kishte mundësi që një grua të jetonte me një burrë për kaq gjatë e të mos dyshonte kurrë? Më e pakta, dukej si një akt madhështor naiviteti, prirje për të harruar. Por mendoi që e dinte përgjigjen edhe pa e bërë fare pyetjen: Një tradhtar i përkushtuar nuk shkakton fare dyshim, kuptoi, pasi me të vërtetë që nuk do që të zbulohet.
Ketrinës as që i kishte shkuar ndonjëherë mendja të dyshonte, pasi nuk kishte ndjerë kurrë ndonjë gjurmë të një gruaje tjetër, nuk kishte gjetur kurrë ndonjë njollë buzëkuqi në këmishat e tij. Edhe në aspektin seksual nuk i kishte shkuar mendja kurrë. Kishte menduar se rënia e nivelit të seksit që kishin përjetuar ishte thjesht rrjedha normale e ngjarjeve për një çift që kishin një dekadë të martuar.
Komente mbi librin
"Anita Shreve ka përdorur një subjekt njerëzor duke e shndërruar në një roman emocionalisht të jashtëzakonshëm."
Los Angeles Times Sunday Book Review
"I detyrueshëm për t'u lexuar... Të krijosh personazhe tërheqës, por edhe subjekt mbresëlënës nuk është e thjeshtë, por Shrive arrin ta bëjë me mjeshtëri këtë."
Orlando Sentinel
"Kërkimi emocional i Ketrinës paraqitet me emocion. Shrive na çon me ankth tek rrjedha e ngjarjeve duke zbuluar me kujdes një marrëdhënie tronditëe."
San Diego Union Tribune
