Keini dhe Abeli, Jeffrey Archer

Titulli: Keini dhe Abeli
Origjinali: Kane and Abel
Gjinia: Roman
Autori: Jeffrey Archer
Shqipëroi: Enklajd Malo, Kristo Qendro
Shtëpia botuese: Ombra GVG
Viti: 2014
Fq. 736
Pesha: 0.806 kg.
ISBN: 978-9928-06-078-5

Mbi librin

Duke huazuar titullin e këtij romani nga Bibla, nga historia e vëllezërve Kain dhe Abel (Cain and Abel), britaniku Jeffrey Archer na risjell nëpërmjet një drame njerëzore, historinë e dy djemve që lindin në dy anë të ndryshme të botës.

Historia zë fill më 15 prill 1906, kur ata erdhën në jetë, njëri nga një familje që jetonte në luks dhe tjetri nga bota e skamjes. Është historia e bankierit Uilliam Lovëll Kein nga Bostoni dhe e emigrantit polak Abel Rosnovski.

Edhe pse njëri është rritur mes librave e pasurisë, ndërsa tjetri mes luftës për ekzistencë, kanë të njëjtën ëndërr, të sundojnë me çdo kusht botën e parasë. Janë ambiciozë, të fuqishëm, të pamëshirshëm, të yshtur nga urrejtja e pashterur e të pajtuar nga fati për të shpëtuar dhe përfundimisht për të shkatërruar njëri-tjetrin.

Ky libër është historia tronditëse e dy burrave, e djalit të një emigranti polak varfanjak, dhe tjetri djali i një pasaniku të privilegjuar nga një familje bankierësh të pasur nga Bostoni. Abel Rosnovski, i regjur me varfërinë u mbijeton vështirësive, është këmbëngulës, emigron në Shtetet e Bashkuara dhe ngre një rrjet hotelesh me emër të rëndësishëm.

Uilliam Kein trashëgon nga familja një bankë të fuqishme dhe e shtyn atë edhe më shumë drejt suksesit. Rrugët e tyre kryqëzohen vetëm njëherë në jetë dhe ky takim fatal shënon ditën e fillimit të armiqësisë, urrejtjes së verbër dhe marrjes së vendimit për të mos u tërhequr deri në shkatërrimin e plotë të njëri – tjetrit.

Uilliam Kein ka një djalë, Riçardin. Abel Rosnovski ka një vajzë, Fiorentinën. Ata bien në dashuri dhe nuk dinë asgjë mbi rivalitetin për jetë a vdekje mes etërve të tyre. Pavarësisht martesës së dy të rinjve, konkurrenca mes Keinit dhe Abelit vazhdon të jetë edhe më e hidhur...

Shumë ankth dhe ngashërim mbart në çdo kapitull ky roman, sepse ashtu siç e kanë cilësuar studiuesit, edhe pas kaq vitesh vazhdon të emëtojë të njëjtat ndjesi dhimbjesh dhe pikëpyetjesh.

Komente mbi autorin

"Mbi botimin e romanit të tij të parë në vitin 1975, "Asnjë qindarkë më shumë, asnjë qindarkë më pak", Jeffrey Archer vërtetoi se është një tregimtar i përsosur."

Publishers Weekly

"Një tregimtar i nivelit të Aleksandër Dymasë."

The Washington Post

"Mbase është tregimtari më i mirë i kohës sonë."

The Mail on Sunday

"Archer ka një dhunti për të rrëfyer që mund të përshkruhet si gjeniale."

Daily Telegraph

Mbi autorin

Shpesh është thënë se vetë historia e Jeffrey Archer do të ishte një bestseller ndërkombëtar. Ai ka lindur në Londër dhe është rritur në Somerset. Është djali i një tipografi dhe u shkollua në Wellington School dhe Brasenose College, Oxford. Pasi u largua nga Oksfordi u zgjodh në Greater London Council dhe tre vjet më vonë, në moshën 29 vjeçare u bë Member of Parliament for Louth.

Pas pesë vitesh në Commons dhe me një karrierë politike mjaft premtuese investoi në kompaninë kanadeze të quajtur Aquablast, duke ndjekur këshillën e Bankës së Bostonit. Kompania falimentoi dhe përfundoi në likuidim total. Ai së bashku me tre drejtues të saj u futën në burg për mashtrim. Mbasi kishte kryer katër vitet e dënimit, u lirua në 2003.

Jeffrey Archer është i martuar prej 46 vjetësh me Mary Archer, e cila deri në 2012 ishte kryetare e Cambridge University Hospitals NHS Foundation Trust. Çifti ka dy djem, William dhe James dhe jetojnë mes Londrës dhe Kembrixhit. Është autor i mbi 30 romaneve shumë të suksesshëm.