Titulli: Në kërkim të Xhulias
Origjinali: Missing Julia
Gjinia: Roman
Autori: Catherine Dunne
Shqipëroi: Mira Kroqi
Shtëpia botuese: Dituria
Viti: 2013
Fq. 320
Pesha: 0.411 kg
ISBN: 978-9928-103-71-0
Mbi librin
Xhulia Sejmur zhduket krejt papritur një ditë më se të zakonshme tetori dhe i dashuri i saj, Uilliam Harris, e gjen veten në një situatë që nuk e kishte menduar kurrë. Tre vitet e kaluara me Xhulian kishin qenë më të lumturat e jetës së tij.
Edhe Xhulia kishte qenë e lumtur me të. Ishte ndier me fat që mundi të dashuronte edhe një herë tjetër në jetë. Atëherë, përse braktisi gjithçka? Uilliami në fillim ndihet krejt i çoroditur, madje edhe fajtor për largimin e Xhulias. Çfarë kishte ndodhur? Ku kishte gabuar? Mos e kishte lënduar pa e kuptuar? Uilliami e di se duhet ta kërkojë. Ai e di se arsyen e largimit të saj duhet ta gjejë te sekretet e të tjerëve.
A do të mund ta pranojë ai shndërrimin e Xhulias. A do mundet Uilliami ta pranojë të vërtetën që ajo ia kishte fshehur gjatë gjithë lidhjes së tyre? Një rrëfim i hollësishëm e që të përpin i ndjenjave dhe mendimeve të një gruaje, së cilës i kërcënohet dashuria, jeta, familja. Ky është romani i ri i fuqishëm i shkrimtares së njohur Catherine Dunne.
Komente mbi librin
“Catherine Dunne është një shkrimtare elektrizuese. Në romanin e saj të fundit, “Në kërkim të Xhulias”, ajo analizon subjektin e zakonshëm të moshës së mesme dhe e shfrytëzon këtë për të depërtuar në mendjen e dy personazheve të komplikuara.”
Evening Echo
“Jashtëzakonisht e lexueshme dhe me një rrëfim imponues... Dunne kombinon inteligjencën emocionale me një intrigë të thurur mjeshtërisht dhe mjaft tërheqëse... Pa dyshim, admiruesit e saj të shumtë duhet ta shijojnë këtë elegancë tepër interesante në të shkruar.”
Bookseller
“E ngrohtë, zbavitëse, këmbëngulëse, prekëse, e gjallë... Catherine Dunne është një tregmtare e shkëlqyer.”
Irish Independent
“Ky është romani i tetë i Dunne; ashtu si në librat e mëparshëm, ajo shfaq talentin e veçantë për t’i bërë tërheqëse edhe detajet më të vogla të jetës dhe për të eksploruar me mjaft finesë në botën emocionale të personazheve të veta.”
Sunday Tribune
Mbi autoren
Catherine Dunne lindi më 1954 në Dublin, ku jeton edhe sot. Ka studiuar për letërsi angleze dhe spanjolle në Trinity College. Pas studimeve, në vitet 1987 – 1995, punoi si mësuese e anglishtes dhe spanjishtes. Ajo e la mësimdhënien për t’iu përkushtuar karrierës si shkrimtare.
Nisi të shkruajë, siç pohon vetë autorja, pas vdekjes së djalit të saj të dytë, duke u prezantuar kështu për herë të parë përpara lexuesve me romanin “Gjysma e asgjëse”. Romani shënoi sukses të madh dhe e bëri menjëherë të njohur shkrimtaren.
