Titulli: E fshehta e një vere
Origjinali: One secret summer
Gjinia: Roman
Autori: Lesley Lokko
Shqipëroi:Shpresa Osmeni
Shtëpia botuese: Toena
Viti: 2013
Fq. 640
Pesha: 0.701 kg.
ISBN: 978-99943-1-917-6
Mbi librin
Tre vëllezërve Kiler nuk u mungon asgjë: tërheqës dhe të përkëdhelur, bëjnë një jetë të privilegjuar që bazohet në pasurinë dhe pozicionin shoqëror të prindërve. Mamaja, Diana, shtylla e vërtetë e familjes, është një avokate në kulmin e karrierës; babai, Harvei, është një neurokirurg i njohur, ndërsa tre fëmijët e tyre, Reif, Aron dhe Xhosh duket sikur e kanë të ardhmen të sigurt.
Por, pikërisht në familjet, në dukje perfekte, ekziston një kufi i hollë e i padukshëm që ndan dashurinë nga urrejtja, aq më shumë kur në këtë familje fshihen sekrete tronditëse. Dhe, pikërisht për këtë, jeta e Kilerve rrezikon të tronditet nga mbërritja e tri vajzave, të cilat Diana i konsideron jo të denja për tre djemtë e saj.
Djali i madh, Reifi, mjek i suksesshëm, takon Medin, një aktore amerikane e cila fsheh një shpirt të brishtë dhe të trazuar. Aroni, i pashëm dhe i paturp, arrin të fitojë besimin dhe dashurinë e Xhulias, një studente ambicioze në Fakultetin e Drejtësisë, e ardhur nga një shtresë e varfër e shoqërisë. Xhoshi, më misteriozi dhe problematiku nga të tre, arkitekt i jetës nomade, fiton dashurinë e Nielës, një refugjate somaleze me një të shkuar të errët.
Me "E fshehta e një vere" autorja Lesley Lokko konfirmon talentin e saj, e aftë të emocionojë dhe të na bëjë të ëndërrojmë, duke na fituar zemrën me një histori të përshtatur në botë të ndryshme, ku takohen kultura të largëta nga njëra-tjetra.
Nga Londra, aty ku vila luksoze e Kilerve na paraqet konflikte familjare dinamike; në Nju- Jork, qyteti simbol i shpresave dhe i zhgënjimeve ku Medi e Reifi takohen; në lagjet e emigrantëve të Vjenës, ku një familje refugjatësh somalezë përpiqet më kot të ndërtojë një jetë; në Afrikën e luftërave civile dhe të ndihmave njerëzore, e cila bashkon fatet e Xhoshit dhe Nielës, e deri në Coté d'Azur, ku një pushim i largët veror në një nga vendet bregdetare më të bukura franceze, në Mugin, ndryshon përgjithmonë fatet e të gjithë familjes. Por, zbulimi i kësaj të fshehte do ta shpërbëjë familjen Kiler dhe unitetin e saj, apo do t'i japë asaj kuptimin e vërtetë të ekzistencës?!
Mbi autoren
Lesley Lokko gjithmonë kishte ëndërruar të shkruante, por para se te bëhej shkrimtare, mes shumë punëve të tjera, kishte punuar si kameriere kokteji, punëtore kibuci, menaxhere zyre etj. Pas gjithë këtyre peripecive, ajo merr një vendimin të rëndësishëm në jetën e saj: të bëhet arkitekte.
Edhe pse emocionohej nga dizenjimi i hapësirave, ajo kurrë nuk e humbi pasionin dhe dëshirën për të shkruar. "Një nga gjërat e mira për të qenë shkrimtar, është së ju mund ta bëni "atë" kudo - dhe unë e bëj", shkruan ajo.
Pas pesë romaneve të suksesshëm, Lesley tani e ndan kohën midis Johanesburgut, Londrës, Akrës dhe Endinburgut, edhe pse vetë është nga Skocia dhe e rritur në Ganë. Asnjëherë nuk i ka pëlqyer ideja e të qëndruarit në një vend. Jeta e saj është gjithmonë në lëvizje. Pjesën më të madhe të kohës e kalon si udhëtare, nëpër aeroporte, duke u njohur me njerëz të rinj, mendime te reja, që shërbejnë si zanafilla e romaneve të saj.
Duke jetuar në dy apo tre vende, të cilët janë të ndryshëm nga njëri-tjetri, ajo ka mësuar se pavarësisht çdo gjëje, njerëzit përjetojnë të njëjtat emocione: dashuri dhe miqësi, sekrete dhe gënjeshtra, pasione dhe xhelozi, dhe për një shkrimtar nuk ka frymëzim më të mirë...
