Titulli: Alkimisti
Origjinali: O Alquimista
Gjinia: Roman
Autori: Paulo Coelho
Shqipëroi: Nonda Varfi
Shtëpia botuese: Toena
Viti: 2004
Fq. 198
Pesha: 0.20 kg
ISBN: 978-99927-1-791-2
Mbi librin
Romani magjepsës i Paulo Coelho – s ka frymëzuar miliona lexues kudo nëpër botë. Në të përshkruhet një histori e shkëlqyer në thjeshtësinë dhe urtësinë e vet, historia e një bariu të ri andaluzian, me emrin Santiago, i cili guxoi të udhëtonte nga vendlindja e tij, Spanja, për në Afrikën e Veriut në kërkim të një thesari të fshehur te Piramidat.
Gjatë rrugës ai takoi një grua të re cigane mjaft të bukur, një burrë që vetëquhej mbret dhe një alkimist, që nga pikëvështrimi i Santiagos e ndihmuan në kërkimin e thesarit të vet. Asnjë prej tyre nuk e dinte se për çfarë thesari bëhej fjalë ose nëse Santiago do të mund të kapërcente pengesat që do të haste duke përshkuar shkretëtirën.
Por, ajo çka nisi si një aventurë djaloshare përfundoi me mësimin se thesari gjendej pikërisht në shtëpinë e tij. E brishtë, ndjellëse dhe thellësisht njerëzore, historia e Santiagos është një testament i përjetshëm për të realizuar ëndrrat tona duke dëgjuar zërin e zemrës.
Komente mbi librin
"Ndodh që një herë në disa dekada të botohet një libër që ndryshon jetën e lexuesve të tij përgjithmonë. "Alkimisti" i Paulo Coelho – s është tamam libri që tashmë e mban statusin e romanit modern por klasik."
"Për të kuptuar vetë fatin është obligim i secilit."
Mbi autorin
Paulo Coelho ka lindur në Rio de Zhanero të Brazilit më 1947. Ai është një nga autorët më të lexuar të kohës sonë. Me botimin e librit të tij të parë "Pelegrini i Kompostelës" (1987) dhe "Alkimisti" (1988), ai filloi të ngjisë majat e suksesit, të cilat e kanë radhitur ndër shkrimtarët më të suksesshëm të ditëve tona. Librat e tij, jo vetëm kanë kapur vendet e para në listat bestseller, por kanë nxitur debate kulturore dhe shoqërore.
Ai është gjithashtu fitues i një sërë çmimeve ndërkombëtare, midis tyre mund të përmendim "Crystal Award" dhënë nga The World Economic Forum, "Chevalier de l'Ordre National Légion d'Honneur" dhënë në Francë etj. Paulo Coelho është anëtar i Akademisë së Letërsisë së Brazilit që prej vitit 2002. Coelho ka shkruar mjaft artikuj të botuar nga gazetat dhe periodikët në të gjithë botën.
