Titulli: Të fshehtat e një gruaje
Origjinali: Le preuve par le miel
Gjinia: Roman
Autori:Salwa Al Neimi
Shqipëroi:Vladimir Gjonaj
Shtëpia botuese: Bota Shqiptare
Viti: 2010
fq. 202
Pesha: 0.24 kg
ISBN: 978-99956-11-92-7
Mbi librin
Një rrëfim i pacipë dhe sensual i një Sheherezadeje të kohëve moderne. Një intelektuale siriane studion të fshehtat, të paktën kështu beson, të traktateve erotikë të arabëve të lashtë. Derisa ajo ftohet zyrtarisht për të marrë pjesë në një simpozium mbi këtë temë.
Kjo është një mundësi për të që të kujtojë të kaluarën e jetës së saj: lirinë, kënaqësitë dhe dëshirat në një ëndërr të bukur që gërshetohet me kujtimet nostalgjike për një dashnor misterioz dhe me citimet sensuale të kryeveprave të letërsisë arabe.
Mbi autoren
Poetesha siriane, Salwa Al Neimi jeton në Paris prej shumë vitesh. Pasi kreu studimet për letërsi arabe dhe dramaturgji, punoi si gazetare kulturore. Një përzgjedhje e poezive të saj, përkthyer nga vetë ajo, u botua në frëngjisht nën titullin "Vrasësit e paraardhësve të mi". Ajo gjithashtu ka shkruar një përmbledhje me tregime: "Libri i Sekreteve", si dhe një përmbledhje të përzgjedhur intervistash titulluar: "Kam marrë pjesë në mashtrim".
Komente mbi librin
"Roman erotik i shkëlqyer. Të fshehtat e një gruaje shënon një kthesë vendimtare në letërsinë moderne arabe."
Al - Akhbar, Liban
"Salwa Al Neimi, shkrimtarja siriane që jeton në Paris, është romancierja më e guximshme."
Aljazeera.net
"Një libër bujar, i shëndetshëm, i bukur me një erudicion të paimagjinueshëm."
Yasmina Khadra, autor i "Dallëndyshet e Kabulit"
