Titulli:Rikthimi i familjes Lamb
Origjinal:Family Remains
Kategoria:Roman
Autori:Lisa Jewell
Përktheu:Pranvera Palushi
Botues:Living
Viti: 2024
Fq.368
Pesha: 0.550 kg
ISBN:978-9928-338-83-9
Ky libër është në gjuhën shqipe
Mbi librin
Një mëngjes, në brigjet e Tamizit, detektivi Samuel Ousu thirret në skenën e një zbulimi të tmerrshëm. Kur dërgon provat për ekzaminim, mëson se eshtrat e gjetura lidhen me një rast të tridhjetë viteve më parë dhe gjetjen e tre trupave të pajetë në dyshemenë e kuzhinës në një shtëpi në Çelsi.
Edhe Rejçëll Rimeri ka marrë një lajm tronditës: i shoqi, Majkëll Rimeri është gjetur i vdekur në bodrumin e shtëpisë së tij në Francë. Të gjitha shenjat dëshmojnë për një vrasje dhe policia franceze ka nevojë që ajo të shkojë urgjentisht për t’iu përgjigjur pyetjeve për Majkëllin dhe të kaluarën e tij, mbi të cilat ajo nuk dëshiron të hedhë dritë.
Pasi u largua nga Londra tridhjetë vjet më parë në vazhdën e një tragjedie të tmerrshme, Lusi Lambi më në fund po kthehet në shtëpi. Ndërsa sistemohet bashkë me fëmijët dhe është gati të blejë shtëpinë e saj të parë, i vëllai niset për të gjetur dikë nga e shkuara, kujtimi i të cilit përndjek të tashmen e tyre.
Ndërsa të gjithë garojnë për të zbuluar përgjigjet e këtyre mistereve të ndërlikuara, do të zbulojnë se janë të lidhur në mënyra që s’mund t’i imagjinonin kurrë.
Pas bestsellerit të mrekullueshëm “Familja e katit të sipërm”, Lisa Jewell dëshmon se ka arritur kulmin e mjeshtërisë me një roman tjetër mbresëlënës e të ndërlikuar, që tregon se deri ku do të arrinte njeriu për të mbrojtur të dashurit e zemrës, duke mbuluar të vërtetën.
