Titulli: Butrinti helenistik dhe romak/ Hellenistic and roman Butrint
Origjinali: Butrinti helenistik dhe romak/ Hellenistic and roman Butrint
Gjinia: Arkeologji
Autori: Inge Lyse Hansen
Shtëpia botuese: Butrint Foundation
Viti: 2009
Fq. 96
Pesha: 0.325 kg.
ISBN: 978-0-9535556-8-0
Fragment nga libri
Butrinti (Buthrotum i lashtë), i cili gjendej në bregun epirot në pjesën e ngushtë të ngushticës së Korfuzit, gëzonte një pozicion të shkëlqyer buzë detit dhe liqenit të mbrojtur të Butrintit. Ky pozicion dhe mundësia natyrore për të patur një port të qetë bënë që Butrinti të kthehej në një nga stacionet kryesore të rrugës që lidhte Italinë dhe Sicilinë me Adriatikun Lindor dhe Greqinë.
Për më tepër Butrinti ishte edhe një portë hyrjeje për prapatokën epirote, e pasur me kullota dhe peshq, dhe me anë të liqenit lidhej në mënyrë të drejtpërdrejtë me Finiqin. Ky pozicion i mirë bëri që qyteti të përmendej në disa tekste gjeografike të lashta, edhe pse rrallë herë u përshkrua në detaje.
Edhe informacioni që vjen nga tekstet e historianëve është i pakët: historiani Dionis nga Halikarnasi e quan Butrintin thjesht si "port detar i Epirit"; Jul Cezari e përmend si "një qytet përballë Kërkyrës". Ndërsa Virgjili në poemën e tij epike "Eneida", e përpiluar nga fundi i shekullit I p.e.s, na jep një përshkrim të veçantë të qytetit dhe historisë së tij mitike.
