Kategoritë

Prodhuesit

Furnizuesit

Enciklopedia e isopolifonise popullore shqiptare, Vasil Tole Shihe të plotë

Enciklopedia e isopolifonise popullore shqiptare, Vasil Tole

Prof. Dr. Vasil S. Tole ka lindur më 22 nëntor 1963 në Përmet. Është kompozitor dhe etnomuzikolog. Shkollën e mesme e ka kryer për violinë në vitet 1978 – 1982 pranë shkollës artistike "Tefta Tashko Koço" në Korçë.

Info shtesë

2573

Disponueshëria: Ne gjendje

$39.44

Me ulje çmimi!

-30%

$56.34

Titulli: Enciklopedia e iso – polifonisë popullore shqiptare/ Encyclopaedia of albanian folk iso – polyphony
Origjinali: Enciklopedia e iso – polifonisë popullore shqiptare/ Encyclopaedia of albanian folk iso – polyphony
Gjinia: Enciklopedi, muzikë
Autori: Vasil S. Tole
Shtëpia botuese: Uegen
Viti: 2007
Fq. 322
Pesha: 0.667 kg.
ISBN: 978-99943-39-77-8

Mbi autorin

Prof. Dr. Vasil S. Tole ka lindur më 22 nëntor 1963 në Përmet. Është kompozitor dhe etnomuzikolog. Shkollën e mesme e ka kryer për violinë në vitet 1978 – 1982 pranë shkollës artistike "Tefta Tashko Koço" në Korçë.

Në periudhën 1983 – 1987 përfundon Institutin e Lartë të Arteve në Tiranë, në degën e Kompozicionit dhe pas diplomimit, deri më 1991, punon në qytetin e Përmetit pranë Shtëpisë së Kulturës "Naim Frashëri". Prej vitit 1991 është pedagog i Kompozicionit dhe Folklorit Muzikor Shqiptar në Fakultetin e Muzikës pranë Akademisë së Arteve, në Tiranë.

Më 1994 mbron disertacionin për gradën e Doktorit të Shkencave Etnomuzikore me temë "Aspekte historike në evolucionin e muzikës popullore instrumentale të Shqipërisë së Jugut". Në vitin 1994 – 1995 kryen specializimin pasuniversitar për Kompozicion në Folkwang Hochschule në Essen të Gjermanisë nën drejtimin e Prof. Wolfgang Hufschmidt dhe, më 1996, bën studime të postdoktoraturës pranë Universitetit të Athinës.

Në vitin 2000 fiton titullin e Mjeshtrit të Kerkimeve, Profesor i Asociuar. Autor i monografisë "Muzika dhe Letërsia" (1997); "Sazet, muzika me saze e Shqipërisë së Jugut" (1998); "Folklori muzikor - polifonia shqiptare " (1999); "Folklori muzikor – strukturë dhe analizë" (2000) si dhe i shumë artikujve në shtypin periodik dhe atë artistiko – shkencor. Ka marrë pjesë në kongrese, simpoziume dhe veprimtari të tjera mbi muzikën, në vende të ndryshme si në Hollandë, Francë, Itali, Austri, Greqi etj.

Veprimtaria e tij muzikore përfshin atë simfonike, muzikën e dhomës dhe për instrumente solo e cila është luajtur në Shqipëri si dhe në vende të ndryshme: Itali, Gjermani, Austri, Bullgari, Greqi etj. Ka fituar disa çmime, si atë të Lidhjes së Shkrimtarëve dhe Artistëve për kompozitorin e ri më të mirë (1990), çmime në Festivalet "Ditët e Muzikës së Re Shqiptare" (1993, 1994, 1995, 1997), në "Festivalin e Romancave Shqiptare" (1996, 1999), çmimin e Ministrisë së Kulturës Rinisë dhe Sporteve për baletin me një akt (1998) etj.

Është anëtar i kryesisë së Lidhjes së Shkrimtarëve dhe Artistëve (2000), anëtar i "Albautorit" (1992), bashkëthemelues i shoqërisë artistike "Elena Gjika" në Përmet (1990), bashkëthemelues i shoqatës së "Muzikës së re" (1993), themelues i seksionit shqiptar të "Rilm abstract literature of music", New York në SHBA (1995), bashkëthemelues dhe anëtar i kryesisë së seksionit shqiptar të C.I.O.F.F-it, President i Këshillit të Muzikës ShqiptarE, anëtar i Këshillit Ndërkombëtar të Muzikës, UNESCO, anëtar i GEMA-s, Germany (1997), anëtar i SEM - it (1999), SHBA, antar i IOV, Austri, drejtor i Teatrit të Operas dhe Baletit, Tiranë (1997 - 1999) etj.