Si te dukesh 10 vjet me e re, Patrick Bowler, Jennifer Christie

Titulli: Si të dukesh 10 vjet më e re me 80 procedura jokirurgjike
Origjinali: Look 10 years younger
Gjinia: Udhërrëfyes praktik
Autori: Patrick Bowler, Jennifer Christie
Shqipëroi: Sokrat Gjerasi
Shtëpia botuese: Onufri/Minerva
Viti: 2012
Fq. 248
Pesha: 0.351 kg
ISBN: 978-9928-164-25-4

Koment nga autori

Qëllimi i këtij libri është njohja me procedurat estetike bashkëkohore, me mënyrat e veprimit të tyre dhe efektivitetin, pa i mërzitur lexueset me terma mjekësorë. Kapitujt e pjesës së parë u kushtohen pjesëve të veçanta të fytyrës dhe trupit. Ju mund të gjeni lehtë pikërisht atë çka ju duhet dhe të mësoni cilat procedura jokirurgjike ju përshtaten për të zgjidhur problemin tuaj.

Këtu përshkruhen problemet kozmetike me të cilat pacientët hasen më shpesh. Nuk i kemi prekur rastet që zor se i interesojnë shumicës së lexuesve. Ndodh që e njëjta sëmundje përhapet në disa pjesë të fytyrës apo trupit. Në raste të tilla përshkrimin e kurimit do ta gjeni në kapitullin ku ajo ndeshet më shpesh.

Nëse nuk e gjeni dot atë që ju duhet, hidhini një sy përmbajtjes; ndoshta problemi juaj është pasqyruar në kurimin e një pjese tjetër të trupit. Pjesa e dytë e librit është për ata që duan të mësojnë më me hollësi për procedurat kozmetike të përshkruara në kreun e parë. Këtu mund të gjeni edhe mendimet e shprehura nga pacientët për çfarë kanë provuar dhe për efektin e procedurave të përdorura.

Kështu, do të merrni informacion të gjithanshëm për një operacion apo tjetrin. Do t'ju tregojmë gjithashtu për problemet kozmetike më të përhapura, për të cilat ende nuk është gjetur kurimi efektiv. Veçse këtë nuk e bëjmë për t'ju vënë në siklet, por që të dini çfarë duhet të shpresoni dhe të mos shpenzoni para për procedura të cilat nuk do të japin rezultat! Por mos u mërzisni.

Në fund të pjesës së dytë do të mësoni mjaft gjëra interesante mbi teknologjitë e reja në fushën e operacioneve jokirurgjike, me të cilat po punohet dhe në të ardhmen do t'i ndihmojmë kozmetologët dhe specialistët për të zgjidhur edhe problemet më të vështira. Disa prej procedurave të reja duhet të shfaqen në vitet më të afërta.

Nuk ka rëndësi nëse lexoni për herë të parë për procedurat jokirurgjike kozmetike apo keni bërë tashmë operacione të tilla dhe tani dëshironi të mësoni edhe më shumë. Shpresoj që ky libër do t'ju ndihmojë të gjeni një mjek me përvojë dhe të arrini rezultate të mrekullueshme.

Mbi librin

Një guidë e domosdoshme që duhet ta ketë çdo femër për spektrin e plotë të trajtimeve jokirurgjike, të ofruara nga doktori i kozmetikës i emisionit televiziv "10 vjet më e re", Dr. Patrick Bowler.

Nëse jeni mërzitur duke blerë kremra të shtrenjtë, ata më të fundit, kundër plakjes së fytyrës dhe nuk po shihni ndonjë rezultat, ose nëse doni të hiqni disa rrudha me shenja, por jeni shumë të frikësuara të shkoni "nën thikë", marrja e tri javëve pushim nga puna, e mbuluar me fasha ndërsa ulen të ënjturat, nuk është as zgjidhja më e mirë dhe as diçka e pëlqyeshme.

Fatmirësisht, Dr. Patrick Bowler u përgjigjet pyetjeve që i kemi të gjithë në majë të gjuhës, të tilla si: "A është e dhimbshme?", "Sa zgjat efekti?" dhe "Sa kushton?". Lajmi i mirë është se shumica e këtyre trajtimeve, nga botoksi te pilingu i fytyrës, mund të bëhen edhe gjatë pushimit të drekës.