Titulli: Gjurmët e mesnatës
Origjinali: Gjurmët e mesnatës
Gjinia: Roman
Autori: Emilian Shabani
Shtëpia botuese: Dudaj
Viti: 2019
Fq. 340
Pesha: 0.376 kg
ISBN: 978-99943-0-586-5
1.Letërsia shqipe 2.Romane
Pjesë nga libri
Tani po shkoj. Do të jem i gatshëm për t’u kthyer sa herë do të keni nevojë për mua, dhe ta dini që do të vij vetëm për ju, sepse nuk kam dëshirë ta humbisni Klausin e humbur.
Po shkoj, mama, që nuk dashurove kurrë asgjë, asnjeri, përveç qëllimeve të tua të krimbura.
Po shkoj, baba, sepse ti më le me një boshllëk, i cili u mbush me çdo të zezë vajtuese, me një të zezë lakuriqe që çirrej për mungesën e veshjeve të përbëra nga kujtimet e kulluara prindërore. Ndryshe nga ti që nuk kuptove kurrë se prindërit nuk i zëvendëson asgjë, unë të lashë kujtim dhëmbët e mi të thyer dhe një pasqyrë të ftohtë, e cila do të përkujdeset mirë për ty.
Po shkoj, Anetë, po iki pa fjalë për ty.
Po shkoj, Kaila, po zhdukem përgjithmonë, shpirt.
Po ndahem edhe nga ju, o lexues të mirë, duke ju thënë fjalët e fundit: ne duhet të jemi të mirë jo për botën mërimbajtëse, as për zotin dëmtar dhe as për asgjë tjetër qesharake, por për veten, për institucionin tonë.
Lamtumirë!
