• Ka mbaruar

Fundi i mitit, Ali Podrimja

Ky është një libër i një proze të ngjeshur dhe të dendur. Një prozë ku kalohet me lehtësi nga fakti te meditimi, nga narrativa e konkretes në fantastikë, nga dialogu dhe gjuha e bisedës te thënie që u ngjajnë maksimave, urtive sinetizuese.

500 Lekë
Sasia
Ka mbaruar

Përshkrimi

Titulli: Fundi i mitit
Origjinali: Fundi i mitit
Gjinia: Tregime
Autori: Ali Podrimja
Shtëpia botuese: Onufri
Viti: 2007
Fq. 114
Pesha: 0. 187 kg.
ISBN: 978-99943-42-40-2

Koment nga Sadik Bejko

Ali Podrimja është poet dhe eseist i njohur. Në këtë libër ai ka dhënë diçka përtej këtyre dy kufijve. Ka derdhur diçka më përtej poezisë dhe esesë. Për shkrimtarin gjithmonë ka një kufi. Matanë këtij sinori përherë mbeten tema ide, imazhe që nuk mbruhen dot në format shkrimore të provuara dhe të mirëpritura nga ai. Ç'duhet të bëhet me këtë lëndë? Mos vallë është materie e tepërt që duhet derdhur?

Në këtë libër shkrimtari është ndeshur me kufijtë e vet, me atë lëndë që endet atje e këtu edhe thellë brenda tij, por prapë mbetet diku në kapërcyell. Dhe që ta rrokë atë, poeti duhet të provojë medoemos prozatorin, eseisti narratorin. A mund të jetë prozatori një poet? Ç'të re mund të sjellë proza e tij, kur tashmë ai është poet dhe eseist i mirënjohur?

Të gjitha këto dhe të tjera dilema të kapin kur ndodhesh para këtij libri me tregime të një poeti dhe të një eseisti pothuajse klasik në letrat tona. Mos vallë po lexoj prozë, po lexoj poezi, po lexoj ese apo diçka që i përmban që të gjitha të shkrira në njëra – tjetrën? Kjo ka ndodhur me Ali Podrimjen. Dhe ai e ka vendosur ta atakojë kufirin e vetes. Ai tashmë e ka merak që ta shijojë një formë tjetër të shprehjes letrare: të lëvrojë prozën.

Një poet shijon shkrimin e prozës, një poet guxon të jetë prozator. Ajo çfarë do të them më poshtë, është veç shtjellim i këtyre që sapo thashë. E kam ndjekur botimin e tyre të mëparshëm në shtyp me një marrje fryme. Kështu, të sistemuara në një libër i kam lexuar dhe përpirë përsëri. Ka aty mjeshtëri, emocionalitet dhe intimitet.

Janë ngjarje biografike, vende të fëmijërisë, situata të papërsëritshme nga udhëtimet, të cilat ngaqë, si të thuash, poezia nuk i pranon, dalin nga bodrumi i kujtesës, ndërtohen dhe marrin jetë. Derdhen. Që në fillim duhet thënë se këto evokime biografike, kjo narrativë e ndydhur, e njomësht, na e bën të shkrifët atë ngurtësi stili e lënde që stoikisht ka sjellë prej vitesh pena e një krijuesi që di veç të gdhendë në gur e bronz.

Pena e poetit Ali Podrimja. Kështu para nesh zgjohen dhe pulitin sytë arratisje në vendlindje e në botë, arrati në dy a në tri Shqipëritë dhe në diasporat e tyre, arrati tej maleve dhe deteve te vëllamët a te miqtë, në mitologji, në histori e në të sotme dhe të gjitha shkohen si rruazat në perin e prozës së poetit. Kjo lëndë personale është ajo që e ngroh dhe e bën të prekshëm këtë libër.

Një tjetër cilësi është krijimi i etydeve psikologjike, krijimi i atmosferës së ankthit, të së mrekullishmes, të së gëzueshmes. Kjo nuk arrihet me horizontalitetin e ngjarjes. Përkundrazi, me depërtimin në vertikalitetin e një pike në një situatë të dhënë. Si incizimi i gjilpërës në pllakën e gramafonit.

Këtu Podrimja dëshmon të jetë mjeshtër. Te tregimi "Fundi i mitit" me pak detaje ai krijon situatën e rrënimit, të rrokopujës apokaliptike deri te një frikë për vdekje. Nuk vijnë ngjarjet por efekti i tyre. E frikshmja bëhet e gjallë. Ka një energji krijimi për të na e sjellë si të tillë. Po këtë situatë kafkiane e sjell edhe te tregimi "Një Ali megjithatë qenka vrarë".

Te tregimi "Zogu i tejdukshëm" vjen një atmosferë e qelqtë, e ndritshme. Te "Në fund të rrugës së Brehtit", situata e së magjishmes vjen me simbolikën e një llambe përherë të ndezur. E neveritshmja të mbërthen si ngërç i keq te "Miu i stepës".

Këtu letërsia arrin të krijojë atë që nuk thuhet, që nuk është as ngjarje, as detaj, por ajo që është përtej tyre. Dhe situata të tilla me lëndë poetike të së magjishmes nuk mungojnë as në tregimet e tjera.

Ky është një libër i një proze të ngjeshur dhe të dendur. Një prozë ku kalohet me lehtësi nga fakti te meditimi, nga narrativa e konkretes në fantastikë, nga dialogu dhe gjuha e bisedës te thënie që u ngjajnë maksimave, urtive sintetizuese. Parabola, simbolika, narrativja dhe procedimi eseistik ndërkallen në njëra – tjetrën dhe tregimi mund të lexohet si ese dhe njëherësh edhe si prozë poetike.

Ajo që i lidh fijet e të gjitha bashkë në këtë libër, po edhe në librat e mëparshëm, qofshin në prozë a në poezi, është uniteti stilistik dhe tematik. Një autor ka bërë sjelljen më të rëndësishme në një kulturë, kur dëshmon unitetin e stilit, kur kudo është vetvetja. Sapo t'i lexoni këto tregime, do të thoni: po ky është Ali Podrimja, kështu shkruan, kështu ndien dhe mendon ai. Kjo mund të jetë vuajtja, gëzimi a mënyra e të kuptuarit të gjërave prej tij. Në këtë botë krijuese të Podrimjes po hyjnë dhe këto tregime, kjo prozë e cilësive të larta. Mirë se të vijnë.

Detajet e librit
SKU000764

Të dhënat

Autori
Ali Podrimja
Bashkëngjitje
Shkarkime
KATËR HAPA PER TE POROSITUR

Udhëzues i shkurtër mbi procesin e porositjes së librave nëpërmjet faqes tonë.

Shkarkime (292.13KB)
Ndoshta mund të pëlqejë edhe

Referenca: SKU000770

Botuesi: Onufri

Pike e zeze ne blu, Ali Podrimja

Poezia e Ali Podrimjes është ndër të rrallat në poezinë shqipe që mund të cilësohet moderne bashkëkohore në kuptimin europian. Ajo është, herë e afërt dhe herë e ngjashme me poezinë europiane të shekullit XX, jo aq në botëvështrimin dhe botëpërjetimin, në lëndën dhe në mendimin e saj, se sa në konceptet dhe konceptimet p

Çmimi 500 Lekë
More
Ka mbaruar

Referenca: SKU000771

Botuesi: Onufri

Ishulli Albania, Ali Podrimja

Të shkosh në ishullin prej mishi të poetit Ali Podrimja, të dëgjosh këngën e bardit modern… të besosh... të zbulosh…të bësh diçka…të thuash…Se kur atdheu është përgjysmë, ndodh e kundërta, dhembja e poetit shtohet...

Çmimi 500 Lekë
More
Artikujt e fundit në gjendje

Referenca: 2421

Botuesi: Onufri

Sfide harrimit, Ali Podrimja

Sfidë harrimit do të thotë të luftosh harrimin ose më drejtpërdrejt të mbetesh në kujtesë duke theksuar shkakësimin qeniesor të artit poetik. Në rrafshin e qeniesisë njerëzore sipas filozofisë, nxitja e vërtetë psikologjike dhe qëllimin vetjak, për të cilin krijohet poezia dhe çdo art tjetër, është dëshira e pakuptuar për të kundërshtuar vdekjen apo...

Çmimi 500 Lekë
More
Ka mbaruar
16 libra të tjera në këtë kategori:

Referenca: SKU000839

Botuesi: Ideart

Shtepia e Mallit, Eqrem Basha

Eqrem Basha i ka ofruar përherë lexuesit “…një vështrim qytetar mbi realitetin dhe shijon absurditetet e jetës së përditshme” (Robert  Elsie)

Çmimi 500 Lekë
More
Ka mbaruar

Referenca: SKU001867

Botuesi: Te tjere

Farandori, Arben Orhani

"Rropa veten, nisa nga qimet, pastaj shqisat. Sytë ujqve, veshët kuajve, hundën krimbave, dhëmbët peshqve, gjuhën gjarpërinjve. Me lëkurën mbulova fëmijët lakuriq. Shtrydha gjakun dejesh, grryeva mishin, shpërndava të brendshmet nëpër pemë. Dërrmova kockat krejt, ushqeva kockat me palcë dhe mora rrugën drejt Lojës së Përjetshm

Çmimi 800 Lekë
More
In Stock

Botuesi: Onufri

Qyteti pa lumë, Andrin Kabashi

Disa nga ata që shkruajnë, shkruajnë me idenë se si duhet jetuar. Në fakt, po qe se mendoni se këtu do gjeni të njëjtën gjë, mos lexoni nga këto shkrime – unë shkruaj mbi atë se si nuk duhet jetuar.

Çmimi 800 Lekë
More
Në gjendje

Botuesi: Te tjere

Meteori ndëshkues, Setki Jashari

Te personazhi kryesor i romanit, Ramires Isaros, gjejmë të mishëruar përfaqësuesin tipik të intelektualit të ri, që nuk bën kompromis me dukuritë negative të kohës, dhunimin e të drejtave njerëzore dhe duke e vënë atë përballë ndryshimeve të mëdha...

Çmimi 1 200 Lekë
More
Në gjendje

Botuesi: Onufri

Nëse një ditë një prelud, Gazmend Krasniqi

Ka një rimodelim të strukturave të të menduarit artistik e mbështetur në traditën vendase, mekanizmin e fantastikës së përrallës dhe legjendës, e shfrytëzuar edhe nga autorë të tjerë (Agolli, Kadare), por në një tjetër cilësi thurjesh e përdorimit të fjalës.

Çmimi 700 Lekë
More
Artikujt e fundit në gjendje

Botuesi: Muza

Muza e ligë, Emilian Shabani

Në rutinën plot zhurmë e rrëmujë të Manhatanit, spikaste sjellja e dashur e një mjeku autopsie që shëtiste me një tufë trëndafilash të bardhë në dorë. Por këto lule nuk mund ti nuhaste kushdo. Ata marrës fatlumë do të kishin bekimin e përjetësisë dhe mallkimin që, me sy hapur, të shihnin se çfarë fshihej pas buzëqeshjes së ëmbël të doktorit.

Çmimi 1 000 Lekë
More
Në gjendje

Referenca: SKU001177

Botuesi: Botimet Dudaj

Mos u zhduk pergjithmone, Erjola Shaka

Titulli: Mos u zhduk përgjithmonëNovelëAutore: Erjola ShakaShtëpia botuese: DudajViti: 2006fq. 172Pesha: 0.17 kg.ISBN: 99943-33-83-6Mbi librinNjeriu është një nga krijesat më paradoksale të të gjitha e

Çmimi 400 Lekë
More
Ka mbaruar

Botuesi: Bota Shqiptare

Vetëm një natë, Uran Butka

Shkrimtari, historiani dhe ish – deputeti i parlamentit shqiptar, Uran Butka, publikon një tregim i shkurtër, të cilin e ka shkruar gjatë periudhës komuniste, kohë në të cilën literatura kundër linjës së Partisë konsiderohej akt tradhtie dhe dënohej.

Çmimi 600 Lekë
More
Në gjendje

Botuesi: Skanderbeg Books

Tulipanë të vonuar, Flutura Açka

Kjo është bota ku pikturohen me nota të stilit të njohur të saj, një galeri qeniesh magjike që e kthejnë këtë libër ndër më të veçantët dhe të rëndësishmit të autores.

Çmimi 1 000 Lekë
More
Në gjendje

Botuesi: OMBRA GVG

Tymi, Kronikë bardhezi, Rikard Ljarja

Gabrieli vdiq. Dje e kremuan. E kisha mik të mirë. Së pari ma prezantoj Aureli, mandej Mira dhe në fund Roberti i madh, miku im i i mirë. O zot, sa histori të bukura më ka tregue. E s'pushonte, e s'pushonte. Ishte si një krue që gurgullonte e gurgullonte e uji s'i mbaronte kurrë.

Çmimi 600 Lekë
More
Në gjendje

Referenca: SKU001595

Botuesi: Skanderbeg Books

Njolla në mur, Virginia Woolf

E ç'mund të ishte më tërheqëse sesa një djalë para se ai të fillonte të kultivonte zgjuarsinë e tij? Është shumë i bukur për ta parë, nuk ka shumë dëngla; e kupton instiktivisht domethënien e artit dhe letërsisë; e shijon jetën e vet dhe bën që edhe të tjerët t'i shijojnë të tyret.

Çmimi 1 000 Lekë
More
In Stock

Botuesi: Penguin Books

The Narrative of Trajan’s Column, Italo Calvino

Italo Calvino was one of the most joyful and imaginative writers of the twentieth century. Here he muses on what the things we leave behind ¬- whether waxworks or ancient graffiti, enigmatic maps or a crumbling Roman column – tell us about the greater truths of the world, space and time.

Çmimi 1 000 Lekë
More
Artikujt e fundit në gjendje

Botuesi: Fishta

Nga një derë tjetër, Durim Taçi

I mungonte krejt germai, jo pika mbi i, e gjithë i-ja ishte këputur fare dhe unë punova me lime një germë tjetër, ù-në e theksuar, i hoqa këmbën e parë. Është interesante ta shikosh të shtypur në makinë tregimin "Shtëpia kolektive", se fjalët ku është e pranishme i-ja, që nuk janë pak në gjuhën shqipe, dukeshin sikur përkuleshin nga era, pika mbi i vinte...

Çmimi 800 Lekë
More
Në gjendje

Botuesi: Pika pa Siperfaqe

Balta, Kristos Armando Gezos

28 vjeçari Aleksandër kthehet në Athinë pas një viti, me qëllim vetëvrasjen. Teksa rreket që të realizojë detajet e fundit të planit të tij, endet rrugëve të Athinës, duke u kalamendur mes së shkuarës dhe të tashmes asfiksuese, përballet me dobësitë vetjake dhe mjedisin e ashpër njerëzor përmes monologëve dëshpërues rreth vendit të tij në botën njerëzore.

Çmimi 800 Lekë
More
Në gjendje

Botuesi: Fishta

Mbi dashurinë dhe harresën, Enea Ruçi

Ai përfaqëson pjesën dërrmuese të asaj gjenerate, që pajiset me diploma pak ose aspak të vlefshme dhe, me gjithë utopinë, hidhet në dinamikën e vrullit të jetës, nga ku është i destinuar të dalë i dërrmuar, i shtypur dhe i transformuar.

Çmimi 800 Lekë
More
Në gjendje
Përshtypjet (0)