Titulli: Vajza nga Berati (kopertinë e trashë)
Origjinali: Vajza nga Berati
Gjinia: Roman
Autori: Kozeta Krulis
Shtëpia botuese: Naimi
Viti: 2011
Fq. 136
Pesha: 0.25 kg
ISBN: 978-9928-109-00-2
Mbi librin
Tregimi i Kozeta Krulis "Vrap mbi mina" është një ikje prej skemës të përftimit të njeriut shqiptar. Ajo të kujton dialogjet e Tom Cruis në filmin e mrekullueshëm "Terminal", ku pyetjeve gati lutëse për një pohim të shpejtë që i bëhen prej policisë aeroportuale "A është për ju Cracovia, vendi juaj i origjinës, një rrezik?" Ai u përgjigjet thjesht: "Jo, përkundrazi, unë kam frikë nga ju!".
Kozeta Krulis ka shkruar një libër ku lexuesi mund të vërejë ç'ndodh me qenien dhe vetëdijen njerëzore kur gjendet përballë tjetrit, i cili ka gjithë – gjithë dy "programe" leximi të njeriut shqiptar: si në letërsinë ekzotike ose si në imazhin televiziv. Më së shumti shqiptarët u ndeshën me dyshimin dhe vrazhdësinë evropiane, që lidhej edhe me shumë sjellje të padenja të atyre që dolën të parët në Perëndim.
Koment nga Shaban Sinani
Përmes librit me tregime "Vajza nga Berati", Kozeta Krulis u jep jo vetëm bashkatdhetarëve të vet, por kujtdo që do ta lexojë shumë trishtim e dramë, por njëherësh edhe shumë ringjallje shpirtërore dhe shpalosje identiteti, duke e promovuar vetveten në sfondin e atij qyteti që ka mahnitur ndër shekuj botën dhe sot është në listën e Kryeveprave të Trashëgimit Botëror, një prej programeve më elitare të Unesco – s, qytetit të Beratit. Kozeta Krulis, duke jetuar fatin e personazhit të novelës së vet, në fakt i paraqet lexuesit se si vendlindja, me trashëgiminë e saj më të vlefshme, mund t'i bëhet pjesë e pasaportës së vet; mund të shenjojë identitetin e saj. Prej këndej nis ringritja e personazhit, Ilianës, alter ego e Kozetës. Pikërisht kjo e bën triptikun e saj (dy tregime plus një novelë) një vepër që lexohet si letërsi, si dëshmi, si burim të dhënash etnopsikologjike, të vlefshme për krahasim gjendjesh në përplasje mendësish dhe identitetesh.
