• Banner

Kthinat e kujtesës, Arta Marku

Në këtë vëllim janë gjashtë tregime për Edi Luarasin, Margarita Kristidhin, Kel Kodhelin, Maja Luarasin, Maks Velon, Anita Taken.

6,94 CHF
Sasia
Ne gjendje

Përshkrimi

Titulli: Kthinat e kujtesës
Origjinali: Kthinat e kujtesës
Gjinia: Tregime
Autori: Arta Marku
Shtëpia botuese: Ombra GVG
Viti: 2014
Fq. 190
Pesha: 0.221 kg.
ISBN: 978-9928-06-079-2

Mbi librin

Në këtë vëllim janë gjashtë tregime për Edi Luarasin, Margarita Kristidhin, Kel Kodhelin, Maja Luarasin, Maks Velon, Anita Taken.

Fragmente nga libri

Dilema e një divorci (Edi Luarasi)

- Ma! - dëgjoi Edi dikur të bijën ta thërriste.
Nuk iu përgjigj.
- Ma!
Mesa duket vajza e kish vendosur, do ta thoshte çfarë i lëvrinte në kokë dhe e mundonte.
- Fol zemër, - iu përgjigj me zë të përvajshëm, gati për të shpërthyer në të qara.
Pauza ishte e mundimshme edhe pse gruaja s'e dinte ende çfarë kishte pas saj.
- Pse të thonë të gjithë që të ndahesh nga babi!? - foli më në fund e bija dhe i qëndroi përballë.
Pyetja e tronditi. Iu duk sikur ra na një hon. Si t'i përgjigjej? Çfarë t'i thosh. Kjo vajzë ishte kaq e vogël, s'mund të kuptonte. S'mund t'ia thoshte të vërtetën.

Të atin ia kishin marrë. Ai nuk vinte prej javësh në shtëpi, nuk kthehej mbrëmjeve, e as më vonë, si ndonjëherë, kur për shkak të ndonjë pjese që po e përgatiste për ta ngjitur në skenë, futej në dhomë me hapa të lehtë, pasi fëmijët i kishte zënë gjumi, për t'i parë mos i kish rrëshqitur batanija dhe ishin zbuluar.

Vajza nuk dinte shumë, nuk kuptonte, por diçka ndjente. Kishte kohë që në shtëpi kishin filluar ca diskutime të çuditshme që nuk e dinte kur do t'u vinte fundi. Diçka kishte dëgjuar. E urdhëronin, i thoshin të dilte, të shkonte matanë e ajo ecte përtueshëm, mbyllte derën pas vetes, por në dhomën tjetër, ngjishte veshin pas murit për të mësuar diçka.

Ishte shumë më tepër se sa kureshtje ajo që e bënte të tregohej e vëmendshme ndaj pëshpërimave të tensionuara që vinin nga dhoma e ndenjjes. Çfarë arriti të dëgjonte, e tmerroi edhe pse pa mundur tërësisht ta deshifronte me mendjen e saj prej fëmije.

Jozefi në shtëpinë time (Margarita Kristidhi)

Më shumë sesa trokitje në derë qenë gërvima. Njeriu që duhej të ish pas derës, qëllimisht trokiste mbyturazi që të mos dëgjohej, gjë që ishte e lehtë të ndodhte në atë qetësi absolute që kish mbështjellë gjithçka rreth e rrotull, atyre orëve të shtyra të pasmesnatës. E megjithatë, asaj i doli gjumi. Ndjeu hapa në korridor, menjëherë pas derës së dhomës ku flinte me të motrën dhe e ndoqi me mendje siluetën e të atit tek zbriste shkallëve.

Pas pak dëgjoi kuisjen e menteshave të derës së jashtme. Ca pëshpërima dhe heshtja ra sërish. Por nuk po i dëgjonte hapat e të atit duke u kthyer në dhomë për të fjetur. Kureshtja filloi ta cimbiste. Hodhi tej mbulesën, futi këmbët në shapka dhe pa e ndezur dritën, hapi derën e dhomës duke u kujdesur që të mos bënte zhurmë. E motra vazhdonte të flinte e patrazuar nga zhurmat e mëparshme.

Zbriti shkallët me vrap të lehtë. Por askush nuk qe në katin e poshtëm, ku i ati kishte rregulluar klinikën e tij dhe priste pacientët. Shtyu derën e asaj që quhej dhoma e operacionit. Askush. As në dhomën e shtrimit, as në dhomën e vizitave, askush. Porse ca pëshpërima, që i erdhën në vesh aty për aty e orientuan. Qenkëshin poshtë...

Mbi autoren

Gazetare e kulturës nga viti 1993, Arta Marku e ka startin e saj profesional në gazetën "Koha Jonë" për të vijuar me gazetat më të rëndësishme në vend si "Gazeta Shqiptare", "Shekulli", "Shqip", "Panorama" etj. Gjatë karrierës së saj 20 – vjeçare ajo ka drejtuar disa periodikë mes të cilëve të përjavshmet "AKS" dhe "Spektër" dhe të përmuajshmet "VIP" dhe "Psikologji". Aktualisht drejton revistën e përmuaj-shme "SHIJE".

Fituese e çmimit për gazetarinë kulturore "Velija" në vitin 1998, ajo ka qenë e pranishme me shkrimet e saj si bashkëpunëtore në botime të ndryshme të karakterit letrar dhe kulturor si "Mehr Licht", "Art & Trashëgimi", "Klan", "Milosao" etj. Për mbi dy vjet ka drejtuar një program televiziv mbi librin, bazuar në intervista me shkrimtarë, përkthyes dhe studiues të letrave, të titulluar "Bibliotekë".

Angazhimi i saj në fushën e përkthimeve ka konkluduar deri më tash, me botimin e disa librave mes të cilëve "Fletorja e ndaluar" e Alba de Cespedes, "Dashnorja e Napoleonit" e Christine Sutherland. Sakaq, përkthimi i librave "Hyrje në arkitekturë" i Leonardo Benevolos, "Si ta kuptosh arkitekturën" i Bruno Zevit etj., e ka lidhur atë me diplomimin e saj në arkitekturë.

Detajet e librit

Referencat specifike

isbn
9789928060792
ean13
9789928060792
Bashkëngjitje
Shkarkime
KATËR HAPA PER TE POROSITUR

Udhëzues i shkurtër mbi procesin e porositjes së librave nëpërmjet faqes tonë.

Shkarkime (292.13KB)
Ndoshta mund të pëlqejë edhe

Referenca: SKU001519

Botuesi: Botimet Dudaj

Hiri i vullkanit, Blendi Fevziu

Ai vendosi të ikte një ditë të vitit 1991. Atëherë iknin të gjithë. Iku duke lënë pas një puthje dhe një dashuri të mbetur pezull. Ajo iku pas tij. Për njëzet vjet nuk u panë kurrë, nuk komunikuan dot; ndërsa dy jetë të ndryshme me fate dhe histori nga më befasueset.

Çmimi 6,94 CHF
More
Ka mbaruar

Referenca: 2086

Botuesi: Princi

Saga e nji dite, Lisandri Kola

Lisandri Kola, i lindur në Shkodër më 12 maj 1986, ka mbaruar studimet e larta për Gjuhë shqipe dhe letërsi në Universitetin "Luigj Gurakuqi" në vitin 2008. Në Universitetin e Tiranës ka mbaruar studimet për letërsi në 2010 në drejtimin Teori dhe kritikë letrare. Ndërkohë ndjek Shkollën Doktorale për Letërsi, pranë UT.

Çmimi 3,96 CHF
More
Ka mbaruar
16 libra të tjera në këtë kategori:

Botuesi: Onufri

Secili shkruan tregimin e vet, Granit Zela

Në ballinën e librit ishte shkruar: JEPI GOMARIT ATË QË I TAKON GOMARIT dhe gjithmonë lexoja aty-këtu ndonjë gjë që kishte shkruar me pasion akademiku, ndërsa prisja ardhjen e tij t'i jepja, më në fund, kafenë dhe rakinë e përhershme të cilat, sipas porosisë së pronarit, për arsye biznesi, duhej të ofroheshin gjithmonë me bujari nga Bar-Kafe "Doktoratura".

Çmimi 6,94 CHF
More
Në gjendje

Botuesi: Buzuku

Hija e maleve, Ernest Koliqi

Në "Hija e maleve", Koliqi jo vetëm trajtoi një tematikë me interes nga bota jonë, por ia doli që t'i shtjellojë ato me mjeshtëri dhe të arrijë një nivel të ngritur të komunikimit artistik. Ç'është e vërteta, këto krijime përbëjnë shembuj konkretë e të rëndësishëm të prozës moderne shqipe.

Çmimi 4,46 CHF
More
Ka mbaruar

Botuesi: OMBRA GVG

Tymi, Kronikë bardhezi, Rikard Ljarja

Gabrieli vdiq. Dje e kremuan. E kisha mik të mirë. Së pari ma prezantoj Aureli, mandej Mira dhe në fund Roberti i madh, miku im i i mirë. O zot, sa histori të bukura më ka tregue. E s'pushonte, e s'pushonte. Ishte si një krue që gurgullonte e gurgullonte e uji s'i mbaronte kurrë.

Çmimi 5,95 CHF
More
Në gjendje

Botuesi: UET Press

Amygdala Mandala, Loer Kume

Tregimet e këtij libri, sikurse është një tendencë e viteve të fundit në prozën tonë, nuk kanë koordinata të qarta në hapësirë dhe në kohë; ato ruajnë një distancë që nuk di si t’ia vë emrin me realizimin.

Çmimi 8,92 CHF
More
Në gjendje

Botuesi: Mitrush Kuteli

Netë moldave, Mitrush Kuteli

Më pyet për vdekjen më të ëmbël? Vdekja e bardhë në dëborë. Bëhet një qetësi e madhe në shpirt. Ndjehesh i lehtë, ëndërron, ftohesh kur ngrohesh dhe pastaj mbaron. E kam provuar dhe unë pjesërisht. Procesi është ky: celulat...

Çmimi 4,95 CHF
More
Në gjendje

Botuesi: Onufri

Mos harro të më kujtosh, Liridon Mulaj

‘Mos harro të më kujtosh’ është romani më i ri i autorit nga Shqipëria, Liridon Mulaj. Një roman që siç potencon vetë autori, brenda tij ka injektuar të gjithë ndjeshmërinë dhe shpirtin e tij. ‘Mos harro të më kujtosh’ është libri i tretë me radhë i Mulajt, pas të parit ‘I Pakuptuari’ që ishte një vëllim poetik dhe i dyti ‘Kërkohet një vrasës’ që trajton...

Çmimi 6,94 CHF
More
Në gjendje

Botuesi: Te tjere

Pacientja "101", Nimfa Hakani

Nëpër faqet e këtij libri, do t'ju kristalizohen para syve karaktere grash që pësojnë trauma të paimagjinueshme si femra gjatë jetës së tyre qoftë nga meshkuj agresivë jashtë familjes, por edhe nga anëtarë perversë të familjes, trauma për të cilat, ne si shoqëri e kemi nganjëherë të vështirë të flasim, duke ndjekur parimin se çfarë është fshehur pas...

Çmimi 7,93 CHF
More
Në gjendje

Botuesi: Toena

Pika drite në eklips, Zija Çela

Zija Çela është ndër të paktët, për shumëçfarë i vetmi, që kalimin nga diktatura në demokraci e bëri të qetë: një fije vazhdimësie konstante, e brendshme, e karakterizon prozën e tij që nga hapat e parë, deri në ditët e sotme. Është zjarri i pashuar që si tundim, si shqetësim dhe brengë, s'pushon së qeni i ndezur.

Çmimi 9,91 CHF
More
Në gjendje

Botuesi: Toena

Jung, Agron Bajraktari

Kishim braktisur frikën dhe si pasojë kishim rrënuar shpresën për të gjetur një kurë për atë monstrën e vogël brenda nesh, e cila edhe pse ushqehet me frikën tonë, në mungesë të saj do të qëndrojë përherë aty, duke fjetur, për të mos na braktisur asnjëherë.

Çmimi 5,95 CHF
More
Në gjendje

Shtegtimi i dinozaurëve fluturues, Pol Milo

Në këto copëza filozofiko-letrare është bërë përpjekje të ribashkohen krijesat e ndara dikur në kohë duke u përballur me njëra-tjetrën meditimi filozofik me relacionet shkencore, inevolucioni i bashkësisë me ndjeshmërinë individuale.

Çmimi 5,95 CHF
More
Në gjendje

Botuesi: Naimi

Anemona: tregime të zgjedhura, Kim Mehmeti

Në disa shkrime për veprën letrare të shkrimtarit Kim Mehmetit kam shfaqur bindjen se proza tregimtare dhe romanore e tij është një vlerë artistike që do t’i rezistojë kohës dhe se do të mbetet vlerë e përhershme në trashëgiminë tonë shpirtërore dhe kulturore.

Çmimi 9,91 CHF
More
Artikujt e fundit në gjendje

Botuesi: Albas

Aromë kujtimesh, Aida Shtino

Një roman biografik kushtuar gjyshes dhe stërgjyshes sime, që nuk i njoha kurrë, por vetëm përmes atyre që më lanë në një ditar. Historia na kthen në shek,. XVIII. Botëkuptimi dhe jeta e grave të asaj kohe përmes dashurisë, luftës, urrejtjes dhe aromave të parfumeve.

Çmimi 7,93 CHF
More
Artikujt e fundit në gjendje
Përshtypjet (0)