• Banner

Kthinat e kujtesës, Arta Marku

Në këtë vëllim janë gjashtë tregime për Edi Luarasin, Margarita Kristidhin, Kel Kodhelin, Maja Luarasin, Maks Velon, Anita Taken.

700 Lekë
Sasia
Ne gjendje

Përshkrimi

Titulli: Kthinat e kujtesës
Origjinali: Kthinat e kujtesës
Gjinia: Tregime
Autori: Arta Marku
Shtëpia botuese: Ombra GVG
Viti: 2014
Fq. 190
Pesha: 0.221 kg.
ISBN: 978-9928-06-079-2

Mbi librin

Në këtë vëllim janë gjashtë tregime për Edi Luarasin, Margarita Kristidhin, Kel Kodhelin, Maja Luarasin, Maks Velon, Anita Taken.

Fragmente nga libri

Dilema e një divorci (Edi Luarasi)

- Ma! - dëgjoi Edi dikur të bijën ta thërriste.
Nuk iu përgjigj.
- Ma!
Mesa duket vajza e kish vendosur, do ta thoshte çfarë i lëvrinte në kokë dhe e mundonte.
- Fol zemër, - iu përgjigj me zë të përvajshëm, gati për të shpërthyer në të qara.
Pauza ishte e mundimshme edhe pse gruaja s'e dinte ende çfarë kishte pas saj.
- Pse të thonë të gjithë që të ndahesh nga babi!? - foli më në fund e bija dhe i qëndroi përballë.
Pyetja e tronditi. Iu duk sikur ra na një hon. Si t'i përgjigjej? Çfarë t'i thosh. Kjo vajzë ishte kaq e vogël, s'mund të kuptonte. S'mund t'ia thoshte të vërtetën.

Të atin ia kishin marrë. Ai nuk vinte prej javësh në shtëpi, nuk kthehej mbrëmjeve, e as më vonë, si ndonjëherë, kur për shkak të ndonjë pjese që po e përgatiste për ta ngjitur në skenë, futej në dhomë me hapa të lehtë, pasi fëmijët i kishte zënë gjumi, për t'i parë mos i kish rrëshqitur batanija dhe ishin zbuluar.

Vajza nuk dinte shumë, nuk kuptonte, por diçka ndjente. Kishte kohë që në shtëpi kishin filluar ca diskutime të çuditshme që nuk e dinte kur do t'u vinte fundi. Diçka kishte dëgjuar. E urdhëronin, i thoshin të dilte, të shkonte matanë e ajo ecte përtueshëm, mbyllte derën pas vetes, por në dhomën tjetër, ngjishte veshin pas murit për të mësuar diçka.

Ishte shumë më tepër se sa kureshtje ajo që e bënte të tregohej e vëmendshme ndaj pëshpërimave të tensionuara që vinin nga dhoma e ndenjjes. Çfarë arriti të dëgjonte, e tmerroi edhe pse pa mundur tërësisht ta deshifronte me mendjen e saj prej fëmije.

Jozefi në shtëpinë time (Margarita Kristidhi)

Më shumë sesa trokitje në derë qenë gërvima. Njeriu që duhej të ish pas derës, qëllimisht trokiste mbyturazi që të mos dëgjohej, gjë që ishte e lehtë të ndodhte në atë qetësi absolute që kish mbështjellë gjithçka rreth e rrotull, atyre orëve të shtyra të pasmesnatës. E megjithatë, asaj i doli gjumi. Ndjeu hapa në korridor, menjëherë pas derës së dhomës ku flinte me të motrën dhe e ndoqi me mendje siluetën e të atit tek zbriste shkallëve.

Pas pak dëgjoi kuisjen e menteshave të derës së jashtme. Ca pëshpërima dhe heshtja ra sërish. Por nuk po i dëgjonte hapat e të atit duke u kthyer në dhomë për të fjetur. Kureshtja filloi ta cimbiste. Hodhi tej mbulesën, futi këmbët në shapka dhe pa e ndezur dritën, hapi derën e dhomës duke u kujdesur që të mos bënte zhurmë. E motra vazhdonte të flinte e patrazuar nga zhurmat e mëparshme.

Zbriti shkallët me vrap të lehtë. Por askush nuk qe në katin e poshtëm, ku i ati kishte rregulluar klinikën e tij dhe priste pacientët. Shtyu derën e asaj që quhej dhoma e operacionit. Askush. As në dhomën e shtrimit, as në dhomën e vizitave, askush. Porse ca pëshpërima, që i erdhën në vesh aty për aty e orientuan. Qenkëshin poshtë...

Mbi autoren

Gazetare e kulturës nga viti 1993, Arta Marku e ka startin e saj profesional në gazetën "Koha Jonë" për të vijuar me gazetat më të rëndësishme në vend si "Gazeta Shqiptare", "Shekulli", "Shqip", "Panorama" etj. Gjatë karrierës së saj 20 – vjeçare ajo ka drejtuar disa periodikë mes të cilëve të përjavshmet "AKS" dhe "Spektër" dhe të përmuajshmet "VIP" dhe "Psikologji". Aktualisht drejton revistën e përmuaj-shme "SHIJE".

Fituese e çmimit për gazetarinë kulturore "Velija" në vitin 1998, ajo ka qenë e pranishme me shkrimet e saj si bashkëpunëtore në botime të ndryshme të karakterit letrar dhe kulturor si "Mehr Licht", "Art & Trashëgimi", "Klan", "Milosao" etj. Për mbi dy vjet ka drejtuar një program televiziv mbi librin, bazuar në intervista me shkrimtarë, përkthyes dhe studiues të letrave, të titulluar "Bibliotekë".

Angazhimi i saj në fushën e përkthimeve ka konkluduar deri më tash, me botimin e disa librave mes të cilëve "Fletorja e ndaluar" e Alba de Cespedes, "Dashnorja e Napoleonit" e Christine Sutherland. Sakaq, përkthimi i librave "Hyrje në arkitekturë" i Leonardo Benevolos, "Si ta kuptosh arkitekturën" i Bruno Zevit etj., e ka lidhur atë me diplomimin e saj në arkitekturë.

Detajet e librit

Referencat specifike

isbn
9789928060792
ean13
9789928060792
Bashkëngjitje
Shkarkime
KATËR HAPA PER TE POROSITUR

Udhëzues i shkurtër mbi procesin e porositjes së librave nëpërmjet faqes tonë.

Shkarkime (292.13KB)
Ndoshta mund të pëlqejë edhe

Referenca: SKU001519

Botuesi: Botimet Dudaj

Hiri i vullkanit, Blendi Fevziu

Ai vendosi të ikte një ditë të vitit 1991. Atëherë iknin të gjithë. Iku duke lënë pas një puthje dhe një dashuri të mbetur pezull. Ajo iku pas tij. Për njëzet vjet nuk u panë kurrë, nuk komunikuan dot; ndërsa dy jetë të ndryshme me fate dhe histori nga më befasueset.

Çmimi 700 Lekë
More
Ka mbaruar

Referenca: 2086

Botuesi: Princi

Saga e nji dite, Lisandri Kola

Lisandri Kola, i lindur në Shkodër më 12 maj 1986, ka mbaruar studimet e larta për Gjuhë shqipe dhe letërsi në Universitetin "Luigj Gurakuqi" në vitin 2008. Në Universitetin e Tiranës ka mbaruar studimet për letërsi në 2010 në drejtimin Teori dhe kritikë letrare. Ndërkohë ndjek Shkollën Doktorale për Letërsi, pranë UT.

Çmimi 400 Lekë
More
Ka mbaruar
16 libra të tjera në këtë kategori:

Botuesi: Onufri

Rrëfej unë, gruaja, Mimoza Kuchly

Kur lexon librin me tregime «Rrëfej une, gruaja» zhytesh në një gjelbërim thellësish marramendëse, në misteret e hapësirave metafizike të paeksploruara të vetënjohjes, të flirtit me veten që zgjon sensualitetin, të preludit të gjëndjes shpirtërore në prag-dashurinë e papritur, apo të vetë dashurisë si emocioni më sublim e më kompleks i qënies njerëzore.

Çmimi 500 Lekë
More
Në gjendje

Referenca: 2594

Pune spiunesh, Xhovani Shyti

Historia është një përrallë e treguar bukur nga fitimtari ka thënë dikur Napoleon Bonaparti, duke dashur të spikasë faktin se atë e shkruan gjithmonë ai që ka fituar betejën e pushtetit, me synimin që nëpërmjet saj kërkon vetëm një gjë: të injorojë, me domosdo, të mundurin.

Çmimi 600 Lekë
More
Artikujt e fundit në gjendje

Botuesi: Toena

Shekspirotët, Idlir Azizaj

Një trupë teatri mbërrin në Gërdec pas shpërthimit të depos së armëve për të vënë në skenë "Hamletin", por tani, në vend të babait, Fantazma është vetë qyteza e shkatërruar.

Çmimi 600 Lekë
More
Në gjendje

Botuesi: Albas

Kulla, Genti Kame

Misheli dhe Ana janë një çift të rinjsh francezë, që kanë vendosur të kalojnë disa ditë të pushimeve të tyre në malet e Veriut të Shqipërisë. Të zënë nga një stuhi e beftë, ata gjejnë strehë në një kullë, e cila fsheh një mister të tmerrshëm

Çmimi 850 Lekë
More
Në gjendje

Referenca: SKU000001

Botuesi: Mitrush Kuteli

Tregime të moçme shqiptare, Mitrush Kuteli

Përrallat e treguara nga Mitrush Kuteli përbëjnë pjesën më të rëndësishme të letërsisë shqiptare, një frymëzim për një numër të madh veprash të tjera letrare që pasuan përgjatë dekadave. Tregime të Moçme Shqiptare përbën një klasik të të gjitha kohërave.

Çmimi 700 Lekë
More
Në gjendje

Botuesi: OMBRA GVG

Vitet e trilleve, Jonada Feimi

Mbase një sipërfaqe prej tridhjetë e pesë metrash katrorë mund të ishte parajsa ime, nëse në mure do të ishin të varura njëqind korniza druri secila me një fletë poezie brenda, nëse një cep i shtëpisë do të kishte një piano të vjetër, nëse në këndin tjetër do të gjendej një bibliotekë me tërë librat e mi dhe nëse në cepin përbri do të ndodhej një llambë e...

Çmimi 500 Lekë
More
Ka mbaruar

Botuesi: Onufri

Pa zemër në kraharor, Mira Meksi

Një piktore tridhjetëvjeçare, e tradhtuar nga një dashuri e madhe që i shkrumbohet përpara syve, vendos ta varrosë atë brenda një varkëhiri prej letre, në një gropë në fund të kopshtit të saj. Së bashku me hirin e dashurisë, vajza varros edhe besimin tek ajo ndjenjë, së cilës i pat kushtuar jetën.

Çmimi 500 Lekë
More
Në gjendje

Botuesi: Papirus

Njerëzit vdesin të premten, Artan Fuga

"Njerëzit vdesin të premten" janë një tufë tregimesh ku dramatikja dhe komikja, ndërthurur në një estetikë të absurdes, duan të ushqejnë njëra – tjetrën. Kontrolli i vdekjeve nga ana e njeriut është pika e fundit ku gjenia krijuese e tij kujton se kap apogjeun e vet. Njeriu i merr fronin Perëndisë. Rob i këtij iluzioni, ai çon në skajet më të largëta...

Çmimi 1 000 Lekë
More
Në gjendje

Botuesi: Berk

Jetë shkodrane, Cuk Simoni

Romani "Jetë shkodrane" (1965) është nji tablo unike e jetës së qytetit verior në kapërcyellin e shekujve XIX-XX. Stili dhe gjuha e Simonit, përshkrimet e detajuara dhe aftësia e depërtimit në psikologjinë e personazheve, na i përçojnë të freskëta edhe sot skenat e jetës së asaj kohe dhe rindërtojnë artistikisht klimën urbane të zanafillës së modernitetit...

Çmimi 1 200 Lekë
More
Në gjendje

Referenca: SKU000713

Botuesi: Toena

Amaneti, Tregimet e fundit, Teodor Keko

 Jo rrallë herë nëpër biseda të ndryshme, ai shprehte keqardhjen për mungesën e trajtimit të temave të viteve ‘80-‘90 nga autorët shqiptarë, pasi sipas tij, kjo periudhë, në vetvete, për nga koloriti dhe dramaticiteti, ishte më interesante se vetë periudha e komunizmit. Ai punonte vazhdimisht te natyraliteti i trajtimit të temave, por pasi mbaron së...

Çmimi 700 Lekë
More
Ka mbaruar

Referenca: SKU000764

Botuesi: Onufri

Fundi i mitit, Ali Podrimja

Ky është një libër i një proze të ngjeshur dhe të dendur. Një prozë ku kalohet me lehtësi nga fakti te meditimi, nga narrativa e konkretes në fantastikë, nga dialogu dhe gjuha e bisedës te thënie që u ngjajnë maksimave, urtive sinetizuese.

Çmimi 500 Lekë
More
Ka mbaruar
Përshtypjet (0)