Hakmarrja e faljes, Eric-Emmanuel Schmitt

Titulli: Hakmarrja e faljes
Origjinali: La vengeance du pardon
Gjinia: Tregime dhe novela
Autori: Eric-Emmanuel Schmitt
Shqipëroi: Blerta Hyska
Shtëpia botuese: Toena
Viti: 2022
Fq. 312
Pesha: 0.384 kg
ISBN: 978-9928-348-66-1
Ky libër është në gjuhën shqipe

Mbi librin

Në këtë vepër janë 4 tregime që flasin mbi dashurinë, hakmarrjen dhe faljen. Mes luftës dhe paqes, dy motra binjake por krejtësisht të kundërta, kanë një marrëdhënie dashuri-urrejtje që zgjat gjithë jetën. Xhelozia apo toleranca, hakmarrja apo falja, cila do të fitojë në fund? Ngjarja zhvillohet në një shtëpi të largët në Alpe, ku niveli i jetesës është i lartë. Një burrë hedonist dhe pa ndjenja abuzon me një vajzë të dashur, naive dhe i merr fëmijën.

Çfarë mësimi humanizmi mund të nxirret nga një melodramë kaq tragjike? Askush nuk e kupton qëndrimin e Marie Marinier: një grua, vajza e vetme e dashur e së cilës vritet nga një psikopat, i cili dënohet për përdhunimin dhe vrasjen e pesëmbëdhjetë grave. Megjithatë ajo e viziton rregullisht vrasësin në burg, arrin të ndërtojë një komunikim me të dhe përpiqet ta nxjerrë nga izolimi. Pse duhet t’i bëjë këto gjëra, ndërsa e përçmon atë? Një burrë i fortë, introvert zbutet përmes një vajze të vogël, ndërsa ata zhyten në leximin e “Le Petit Prince”. Ai gjithashtu mëson të jetojë dhe të dashurojë. Më pas, një ditë, mësohet se ai ishte ndoshta piloti i avionit që rrëzoi aeroplanin e Saint Exupéry-t.