Titulli: Labirinti i fshehtë
Origjinali: Il labirinto occulto
Gjinia: Roman
Autori: Luca Filippi
Shqipëroi: Virgjil Kule
Shtëpia botuese: OMBRA GVG
Viti: 2014
Fq. 424
Pesha: 0.506 kg.
ISBN: 978-9928-06-093-8
Mbi librin
Viti i Zotit 1503. Në kështjellën e Goricias një tregtar venecian u gjet i mbytur në dhomën e vet. Gastaldi i Goricias kërkon të hedhë dritë mbi krimin dhe ngarkon me detyrën e hetimit Tiberio di Castro, një farmacist roman në syrgjyn, i shoqëruar nga Izabela, bija e bukur dhe inteligjente e viktimës, si dhe nga një murg misterioz.
Tiberio nis një rrugëtim të vështirë që do ta çojë në gjurmët e një qytetërimi të lashtë. Për të vënë në vend drejtësinë si dhe për të rekuperuar dorëshkrimin e çmuar, farmacistit do t'i duhet të përballet me dyndjet e turqve si dhe të përgënjeshtrojë demonë të pavërtetë, në një udhëtim aventurier përgjatë brigjeve të Istrias deri në Republikën e Venecias. Ndërkohë në Romë vdes Papa Aleksandri i VI i urryer... Por, një forcë e errët do të verë në lëvizje përgatitjet për përmbushjen e një profecie...
Vetëm një mjek do të mund të shkruante rreth psikologjisë dhe botës enigmatike të një farmacisti! Tiberio di Castros do t'i duhet sërish të zgjidhë një krim, për shkak të së cilit do të gjendet i humbur në një histori të lashtë dhe komplekse, një mister i cili do ta përfshijë atë tërësisht, edhe në rrafshin sentimental. Ky është një roman tërheqës, me të gjithë elementët e duhur që mund të mbërthejë lexuesin: personazhe të trazuar, krime enigmatike, befasi, intrigë, forcë, mister dhe dashuri.
Fragment nga libri
Para syve të tij materializohen fragmente të një realiteti gjysmë ëndërr, ende një mundësi. Sidoqoftë ai arriti ta shihte deri në detaje. Zinxhiri i ngjarjeve i formuar për shkak të atij krimi enigmatik është pështjellues.
Njëra pas tjetrës taselet e ngjarjes nisin e ngjiten, duke formuar kështu një pamje më të plotë të mozaikut. Dikush duhej ta merrte detyrën për të hetuar rreth krimit. Nuk mbetej gjë tjetër veçse të pritej me kureshtje. Nga buzët ati i gurgullojnë nënqeshje. Mbas priti një copë herë, mbuloi fytyrën me kapuç, e u zhduk.
Mbi autorin
Luca Filippi u lind në 1976, në Romë, dhe i përket shenjës së luanit, yllësi e cila mendohet të ketë një farë ndikimi në jetën e tij, duke ditur se Antonio Leone është botuesi i tij dhe se i biri i tij i tretë quhet pikërisht Leone. Punon si mjek në Spitalin e Santa Maria Goretti di Latina.
Ndërsa në krijimtarinë e tij letrare kërkon të lidhë pasionin për historinë me atë për hetimet shkencore. Shfaqet në 2009 me romanin e shkurtër "Djajtë e Zisas", një rrëfim i cili vijon paralelisht midis Palermos të shekullit të XIV dhe Palermos së sotme, e që fokusohet mbi misterin e sarkofagut të Federico II. Gjithmonë në 2009, publikon romanin "Misteri i papeshës". "Labirinti i fshehtë", është botuar në 2013.
Brenda një kohe shumë të shkurtër ky libër është botuar në pesë gjuhë të ndryshme dhe është shpallur fitues i çmimit special në Montefiore, në konkursin Premio Internazionale "Dario Ghiringhelli". Ky roman është mirëpritur nga lexuesi dhe për disa javë rrjesht ka qënë në krye të klasifikimeve të portalit IBS.it në zhanrin e "Librave të verdhë historikë".
