Nuk duhet të fle, S. J. Watson

Titulli: Nuk duhet të fle
Origjinali: Before I go to sleep
Gjinia: Roman
Autori: S. J. Watson
Shqipëroi: Artan Miraka
Shtëpia botuese: Pegi
Viti: Prill, 2013
Fq. 342
Pesha: 0.356 kg
ISBN: 978-9928-162-59-5

Mbi librin

Kujtesa na përkufizon. Atëherë, çdo të ndodhte sikur të humbisje kujtimet e tua sa herë që fle? Emri yt, vetvetja, e kaluara jote, edhe njerëzit që do, të gjitha të harruara brenda natës. Dhe i vetmi njeri të cilit i beson, ndoshta po të tregon vetëm gjysmën e historisë. Mirë se erdhe në jetën e Kristinës.

Fragment nga libri

Sonte, kur të jem në gjumë, mendja ime do ta fshijë çdo kujtim nga kjo ditë. Do të harroj çdo gjë që kam bërë sot. Nesër do të zgjohem siç u zgjova sot. Duke menduar se jam akoma fëmijë. Do të zgjohem me mendimin që përpara më pret një jetë e tërë për të bërë zgjedhjet e mia.

Komente mbi librin

"Nuk duhet të fle" është një roman debutues i këndshëm dhe mahnitës. Njësoj si të ngjashmit e tij që e kanë paraprirë, ka edhe një alegori morale ngjitëse: mos i harroni të dashurit tuaj. Përndryshe..."

The Independent

"Pasi e lexova librin një herë, ndjeva që duhet ta lexoja përsëri, për të ndier kënaqësinë e vërejtjes së gjurmëve të vogla që kisha humbur ose që i kisha keqinterpretuar herën e parë. Ka ca libra që janë aq të mirë sa të kujtojnë kënaqësinë e pambarimta që shkrimtarët e aftë mund të na japin, nëse kemi dëshirë t'i lexojmë vërtet. Nëse mund të duroni mornicat. "Nuk duhet të fle" është një vepër e përkryer verore."

Los Angeles Times

"Shkrimi i përkyer i Watson – it e shtyn historinë në maja aq frenetike, sa lexuesit do të ndihen të prekur shumë kohë pasi ta kenë mbyllur kopertinën e këtij libri të mrekullueshëm."

Kirkus Reviews

"Struktura e librit është kaq habitëse saqë gati – gati shpërqendrohesh nga cilësia e të shkruarit. Pa dyshim, ky është një thriller shumë letrar..."

The Guardian