Titulli: Krimbi i mëndafshit
Origjinali: The Silkworm
Gjinia: Roman
Autori: Robert Galbraith
Shqipëroi: Virgjil Muçi
Shtëpia botuese: Dituria
Viti: 2015
Fq. 588
Pesha: 0.761 kg.
ISBN: 978-9928-4260-9-3
Mbi librin
Londër. Shkrimtari ekstravagant Ouen Kuini ka humbur prej disa ditësh. Nuk është hera e parë që ai zhduket befas, por kurrë nuk ka qenë larg shtëpisë kaq gjatë. E shoqja vendos të angazhojë detektivin privat Kormoran Strajk për ta gjetur Kuinin dhe ta kthejë në shtëpi. Por, sapo Strajku fillon të hetojë, duket qartë se pas zhdukjes së Kuinit fshihet shumë më tepër se sa e shoqja dyshon.
Shkrimtari është larguar duke marrë me vete dorëshkrimin e romanit të tij të fundit, mbushur me portrete sarkastike të pothuajse të gjithë njerëzve që ai njeh, sidomos ata të botës letrare. Po të botohej, libri i Kuinit do të shkatërronte shumë jetë: kjo është arsyeja që janë të shumtë ata që do të donin t'i mbyllnin gojën shkrimtarit...
Emocionues dhe plot të papritura, një copëz nga intrigat e botës letrare dhe editoriale të Londrës, Krimbi i Mëndafshit është romani i dytë i serisë që ka për protagonistë Kormoran Strajkun dhe ndihmësen e tij të re e të vendosur, Robin Elakot.
Komente mbi librin
"Kormoran Strajku u kthye. Një roman me humor ku personazhet më emocionues nuk janë vrasësi apo viktima, por detektivët e ngarkuar për zgjidhjen e misterit."
The New York Times
"Galbraith ka shkruar një roman klasik të mrekullueshëm dhe, që tani, unë jam duke menduar për aventurën e ardhshme të Strajkut."
Peter James, Sunday Express
"Një triller i shkëlqyer dhe i rafinuar... një roman i mprehtë policor."
Sunday Mirror
"Një roman policor me ritëm të shpejtë dhe plot ankth... Robert Galbraith demonstron një zë të freskët në letërsinë e krimit, një përzierje të letërsisë së zezë, satirës dhe patosit, me një gjurmë romantike."
The Wall Street Journal
"Një triller emocionues me protagonist Kormoran Strajkun, që vijon suksesin e madh të vitit të kaluar, të Këngës së Qyqes... I ndërtuar nga një dorë mjeshtri, me ritëm të shpejtë dhe plot ironi therëse... Krimbi i Mëndafshit është një triller që të përfshin seriozisht."
People