Titulli: Letër Dylqinjës (kopertinë e trashë)
Origjinali: Letër Dylqinjës
Gjinia: Prozë, kritika letrare
Autori: Agim Baçi
Shtëpia botuese: Onufri
Viti: 2016
Fq. 110
Pesha: 0.423 kg.
ISBN: 978-9928-226-18-1
Mbi librin
Një ftesë për një lexim ndryshe të letërsisë. Libri i Agim Baçit, i njohur si gazetar, kritik por edhe si tregimtar e novelist, vjen me 18 letra drejtuar personazheve të përbotshme të letërsisë, si Don Kishotit, Shvejkut, Çiçikovit, Ana Kareninës, Madamë Bovarisë, Odiseut, Tom Sojerit, Brutit apo edhe autorëve si Cvajg dhe Milan Kundera.
Është një këndvështrim origjinal, ku janë përshkruar aq letra dhe sa dhe përgjigje, ku autori ka tentuar t'i përshtasë me stilet e autorëve. E nëse letrat janë të gjithë të nënshkruara nga autori i këtij libri, përgjigjet janë "firmosur" herë nga personazhet e herë nga autorët.
Letrat janë një gjetje origjinale në dhënien e këndvështrimeve të leximeve. Por padyshim që mund të lexohen edhe si letërsi e, herë – herë, edhe si sprovë. Lexuesi ftohet të ketë lupën e tij të leximit për personazhe që kanë zënë vend në miliona biblioteka në botë, në qindra vite.
Personazhet dhe autorët të cilëve iu është "drejtuar" Baçi, shoqërohen me ilustrimet e Bujar Kapexhiut, duke i dhënë librit një dimension jo vetëm imagjinar në lexim.
