Titulli: Kadare në gjuhët e botës, në dyzet e pesë gjuhë
Origjinali: Kadare në gjuhët e botës, në dyzet e pesë gjuhë
Gjinia: Kritika letraer
Autori: Bashkim Kuçuku
Shtëpia botuese: Onufri
Viti: 2015
Fq. 498
Pesha: 0.711 kg.
ISBN: 978-9928-186-90-4
Mbi librin
Përplotësimi i tretë i "Kadare në gjuhët e botës" ka qenë mjaft befasues. Nga 637 botime në 35 gjuhë, që kishte i dyti, janë njëjtësuar 664 të tjera, gjithsej 1301, në 45 gjuhë, ose, dyfishi i tyre. Nga 23 vepra kritike e studimore, 8 në frëngjisht, 1 holandisht, 1 në spanjisht, 13 në shqip, që kishte botimi paraardhës, i tanishmi ka 68 me përzgjedhje, 16 në frëngjisht, 8 në italisht, 6 në anglisht, 2 në gjermanisht, 1 në holandisht, 3 në spanjisht, 32 në shqip.
Burimet janë tri: a) botimet dhe ribotimet e reja në gjuhët "e pushtuara" më parë; b) botimet dhe ribotimet e mëparshme, të cilët, nuk kishim mundur t'i njëjtësonin deri atëherë; c) botimet në gjuhë të tjera, "të pushtuara" rishtas.
Në vitet 2000, 2005, 2015 kanë marrë përparësi botimet dhe ribotimet në anglisht, përkatësisht, në Britaninë e Madhe, Angli e Skoci, në SHBA, Kanada, Australi, ku kanë dalë mbi 70 tituj, më shumë se gjysma, apo, më shumë se në 35 vitet e kaluara. Kjo ka qenë stina anglo – amerikane e veprës së Ismail Kadaresë.
Denduri botimesh ka pasur në italisht, spanjisht, portugalisht. Ritmika e përshpejtuar e tyre ka ndryshuar edhe shkallaren e gjuhëve në të cilat është përkthyer. Italishtja, që ishte e nënta, është ngjitur e katërta, spanjishtja nga e teta e gjashta, portugalishtja nga e nënta e shtata.
Të dhënat krahasuese, 378 në shqip dhe 923 në 44 gjuhë të huaja, në përpjestim 1 me 2.5, tregojnë se funksioni kryesor i saj prej vitesh nuk është më në hapësirën kulturore e gjuhësore letrare shqipe, por në kultura e gjuhë të tjera, thënë ndryshe, funksioni kryesor i saj është ai gjithësor/universal.
Nëpërmjet saj letërsia shqipe ka fituar një funksion të ri, që, historikisht nuk e ka pasur. Edhe me librat studimorë, në shtatë gjuhë, është shndërruar në dukuri letrare europiane.
Mbi autorin
Bashkim Kuçuku, kritiku letrar e studiues, redaktor në gazetën letrare "Drita" (1974 – 1985), kryeredaktor i gazetës "Çamëria – vatra amtare" (1991 – 1995), kryeredaktor i revistës "Universi Shqiptar i Librit" (1997 – 2001), është profesor i letërsisë shqipe në Universitetin e Tiranës (1986).
Ka botuar dhjetëra artikuj e studime në revista shkencore e letrare në shqip, si dhe në gjuhë të huaja, ka kumtuar në Konferenca Shkencore Kombëtare dhe Ndërkombëtare, në hapësirën shqipfolëse dhe jashtë saj, në Greqi, Itali, Rusi, Bosnjë etj.
Libra: "Kadare në gjuhët e botës", "Antologji e poezisë shqipe bashkëkohore", "Antologji savremene albanske poezije/ Antologji e poezisë shqipe bashkëkohore", "Kombi gjen vetveten", "Pas eklipsit letrar".
