Titulli: Përse të lexohen klasikët
Origjinali: Perché leggere i classici
Gjinia: Kritikë letrare
Autori: Italo Calvino
Shqipëroi: Viola Adhami
Shtëpia botuese: Aleph
Viti: 2012
Fq. 300
Pesha: 0.351 kg
ISBN: 978-9928-4115-0-6
Koment nga autori
Mbi të gjitha dua Stendalin pasi vetëm tek ai tensioni moral vetjak, tensioni historik, vrulli i jetës janë një gjë e vetme, tension linear romanesk. E dua Pushkinin, sepse është qashtërsi, ironi dhe seriozitet. E dua Heminguejin, sepse është matter of fact, understatement, dëshirë për lumturi, trishtim. E dua Stivensonin sepse duket sikur fluturon.
E dua Çehovin sepse nuk shkon më larg sesa shkon. E dua Konradin sepse lundron në humnerë e nuk na fundos. E dua Tolstoin, sepse nganjëherë më duket se jam gati për t'ia kuptuar sekretin e në të vërtetë asgjë. E dua Manzonin, sepse deri pak më parë e urreja. E dua Çestertonin sepse dinte të ishte Volteri katolik e unë doja të isha Çestertoni komunit.
E dua Floberin sepse pas tij nuk mund të mendosh të bësh si ai. E da Poen e Brumbullit të artë. E dua Tueinin e Hakëlberi Finit. E dua Kiplingun e Librit të Xhunglës. E dua Nievon sepse e kam lexuar shumë herë e jam zbavitur si herën e parë. E dua Xhejn Ostin sepse nuk e lexoj kurrë, por jam i lumtur që ekziston. E dua Gogolin pasi deformon me dlirësi, ligësi e masë. E dua Dostojevskin, sepse deformon me koherencë, furi dhe pa masë.
E dua Balzakun sepse është vizionar. E dua Kafkën, sepse është realist. E dua Mopasanin sepse është sipërfaqësor. E dua Mansfildin sepse është inteligjente. E dua Fitzxheraldin, sepse është i pakënaqur. E dua Radiguenë sepse rinia nuk kthehet më. E dua Svevon, sepse duhet edhe të plakemi. E dua...
Koment mbi autorin
"Calvino ishte romancier me një gjenialitet të jashtëzakonshëm dhe lexues thellësisht i ndjeshëm i letërsisë... Duke lexuar një gjigand të letërsisë që i kushton homazhe një tjetër gjigandi, të dy bashkë zmadhohen edhe më shumë në sytë e lexuesve."
Boston Globe
