Varri i fshehtë, Petraq Kolevica

Titulli: Varri i fshehtë
Origjinali: Varri i fshehtë
Gjinia: Roman
Autori: Petraq Kolevica
Shtëpia botuese: Mitrush Kuteli
Viti: 2014
Fq. 176
Pesha: 0.238 kg.
ISBN: 978-9928-180-0-25

Mbi librin

Që prej librit me poezi "Këngë nga koha e keqe" (1993) tek tjetri "Arkitektura dhe diktatura" (1997) apo te romani "Kuja e kohës" (2000) edhe te ky roman që paraqesim sot, Petraq Kolevica ka përshkruar me vërtetësi tronditëse bëmat e mbrapshta të sundimit komunist në Shqipëri.

Këtë roman, kushdo që mund ta fillojë, nuk do të mundë ta lëshojë nga dora pa e përfunduar, sepse shpesh e më shpesh do të tronditet, revoltohet dhe pa dyshim do të përlotet nga përshkrimet e gjalla të dramave të rënda që u shkakton diktatura gjakatare e asaj kohe, personazheve të vërteta të romanit.

Fjalët e mësipërme nuk i shënuam për reklamë. Për vërtetësinë e tyre do të bindeni që me leximin e faqeve të para. Provoni!

Mbi autorin

Petraq Kolevica lindi më 11 janar 1934 në Korçë, ku mbaroi shkollën fillore dhe të mesme. Në vitet 1952 – 1957 studioi në Fakultetin e Inxhinierisë së Ndërtimit në Tiranë. Punoi si arkitekt projektues i ndërtimeve civile qytetare, ku u bë ndër më të shquarit arkitektë të brezit të tij dhe më të kritikuar ashpër "për ndikime moderniste borgjeze".

Krahas punës së arkitektit shquhet si përkthyes nga origjinali i poezive të poetëve gjermanë, austriakë, zviceranë si Gëte, Shiler etj. Shkroi dhe botoi shumë libra me poezi origjinale: "Këngë nga koha e keqe", "Të korrat e vona", "Zëri që thirri në shkretëtirë" etj., dhe prozë "Arkitektura dhe diktatura", "Lasgushi më ka thënë", "Kuja e kohës" etj.

Në vitin 2004, Presidenti i Republikës, Alfred Moisiu, i dha titullin "Mjështër i Madh". Petraq Kolevica është dhe qytetar nderi i qytetit të Korçës.