Gurit të varrit ia rrëfej, Agron Tufa

Titulli: Gurit të varrit ia rrëfej (kopertina e trashë)
Origjinali: Gurit të varrit ia rrëfej
Gjinia: Roman
Autori: Agron Tufa
Shtëpia botuese: Onufri
Viti: 2015
Fq. 256
Pesha: 0.549 kg.
ISBN: 978-9928-186-85-0

Fragment nga libri

Nëse unë do të kisha pranuar të isha dashuria jote, Arsenio, do të duhej të më njihje ashtu siç jam, me të gjitha verbinat e territ, me të gjitha historitë, që i përkasin këtij mishi, kësaj lëkure, kësaj strukture të mallkuar truri.

Kush, Arsenio, kush do të dëshironte të kishte punë me historitë që i tërheq zharg pas vetes dhe që do të vazhdoj t'i tërheq deri në gurin e varrit? Po... tashmë kemi arritur në këtë pikë, i dashuri im.

Tashmë jemi tèt – a – tèt, i dashur gur... Dhe ja, unë po të pyes, pardon, a do të doje të kishe punë, i dashur, me një kurm femëror që gumëzhin nga historitë e burrave të fortë me dhe pa kostume? Nga duart e tyre epsharake që më kanë vërtitur fugë nëpër biblioteka, hotele, redaksi? Që më kanë parë si tabelë qitjeje për seks? Nuk e besoj dhe s'do ta besoj!

Mbi autorin

Agron Tufa u lind në Sohodoll (Dibër) më 1 prill 1967. Ka studiuar në Universitetin shtetëror të Tiranës për Gjuhë dhe Letërsi; studimet i thelloi në Institutin "Gorki" (1994 – 1999) dhe në Institutin e Kulturave Europiane në Moskë (1999 – 2001).

Ka përkthyer nga Pushkini, Tjutçevi, Çehovi, Bunini, Leopold von Zacher – Maschoh, Platonovi, Majakovski, Zamjatini, Bruno Shultz – i, Mandelshtami, Ahmatova, Cvjetajeva, Pasternaku, Harmsi, Brodskij, Sjedakova, Miloshi, Herbeti, Shimborska, B. Ejhenbaun, R. Jakobson, V. Prop, J. Lotuan etj.