Shqiperia, Ben Blushi

Titulli: Shqipëria
Origjinali: Shqipëria
Gjinia: Roman
Autori: Ben Blushi
Shtëpia botuese: Mapo Editions
Viti: 2011
Fq. 604
Pesha: 0.71 kg.
ISBN: 978-99956-39-58-7-0

Mbi librin

Ben Blushi, si shkrimtar me romanin e tij të parë dhe surprizë "Të jetosh në ishull" tronditi skenën letrare shqiptare. Dhjetëra mijëra kopje të shitura, një debat i paparë në media dhe qarqet letrare e bëri Ben Blushin shkrimtarin me numrin më të madh të kopjeve të shitura për libër gjatë 20 vjetëve të fundit.

Por jo vetëm kaq. Befasia në stil, në ndërtimin e rrëfimit, në strukturën e gjithë veprës në romanet e tij ishte ndoshta kontributi për një kthim të shijes së letërsisë në këto kohë, kur ritmi dhe stresi i kohës sonë e largojnë lexuesin nga libri aq më tepër nga letërsia. Këto janë ndoshta dy faktorët e asaj që mund të quhet sot me bindje: Ben Blushi është tashmë një ngjarje letrare.

"Të jetosh në ishull", "Otello, Arapi i Vlorës" dhe romani i ri "Shqipëria" janë një triptik i kompletuar i një talenti të ri të letërsisë shqipe dhe gjithaq një fenomen kulturor që meriton të kapërcejë kufinjtë e hapësirës shqiptare në dekadën që vjen, duke prodhuar një shkrimtar tjetër ndërkombëtar nga gjuha shqipe.