Kryevepra të pakryera, Bashkim Shehu

Titulli: Kryevepra të pakryera
Origjinali: Kryevepra të pakryera
Kategoria: Roman
Autori: Bashkim Shehu
Botues: Toena
Viti: 2023
Fq. 466
Pesha: 0.480 kg
ISBN: 978-9928-376-68-8
Ky libër është në gjuhën shqipe


Mbi librin

Për aq sa gjykimet vetjake superlative mund të qëndrojnë si vlerësime të drejta kategorike në këtë lëmë, kam bindjen se Mentor Kosturi  është, përtej çdo dyshimi, shkrimtari më i madh i letërsisë së fshehtë shqipe, ose i asaj që quhet letërsi e sirtarëve në Shqipëri. Më anë tjetër, pikërisht për aq sa është me vend gjykimi i mësipërm, krijimtaria e tij përbën dështimin më madhështor në letërsinë shqipe të të gjitha kohëve.

Asnjëra nga veprat e tij, ashtu siç ka pasur mirësinë të na i dorëzojë i biri, zoti Viron Kosturi, të futura në një valixhe shumë të vjetër, të drunjtë, ku autori i kishte kyçur në prag të vdekjes së tij tragjike, asnjëra nga kryeveprat, guxoj të them, nuk është e përfunduar. Prandaj, mënyra ose forma më e mirë për t’i paraqitur ato, ndoshta e vetmja mënyrë ose formë e përshtatshme, e atillë që e përcjell sa më të plotë fuqinë e tyre, është ajo që kam zgjedhur në këtë libër.