Duke kërkuar Alaskën, John Green

Titulli: Duke kërkuar Alaskën
Origjinali: Looking for Alaska
Gjinia: Roman
Autori: John Green
Shqipëroi: Agim Doksani
Shtëpia botuese: UEGEN
Viti: 2015
Fq. 344
Pesha: 0.387 kg.
ISBN: 978-9928-03-211-9

Mbi librin

Një libër që lexohet me një frymë. Diçka krejt tjetër nga "Faji në yjet tanë", por sërish nuk i ndahet dashurisë dhe dhimbjes, dy ekstreme që bashkëjetojnë, e që janë një tipar ngacmues i rinisë amerikane e pse jo edhe asaj botërore.

Në qendër të romanit është Alaska, vajza e vitit të dytë në kolegj, që njeh pengesa e s'di të ndalet para asgjëje. E bukur, e veçantë, energjike, plot pasion dhe që vihet gjithnjë në qendër të vëmendjes. Ajo prin dhe është kudo e kurdoherë e pranishme.

John Green mund të quhet pa frikë shkrimtari i rinisë, i djemve dhe vajzave që i japin energjinë e pazakontë botës, edhe pse shpesh janë edhe problemi numër një i saj. Për vitin 2014, ai u shpall shkrimtari më i mirë në Amerikë.

Komente mbi librin

"Green... ka një zë autori plot vetëbesim dhe sinqeritet saqë befasohesh teksa mëson se ky është romani i tij i parë. Krahasimet e favorshme me Holden Caufield janë më se të merituara në këtë vepër tepër të rekomanduar veçanërisht për lexuesit e rinj."

Voya

"Green e përshkruan Alaskën kaq përzemërisht, në errësirën vetëurryese si dhe në dritën plot energji, saqë lexuesi do ta vajtojë së bashku me miqtë e saj humbjen e Alaskës."

Scool Library Journal

"Shpirti i Holden Caulfield vazhdon të jetojë."

Kliatt

"Romani "Duke kërkuar Alaskën" shfaq talentin e gjallë të John Green, ai lloj talenti i cili mund ta bëjë lexuesin të mbyll faqen e fundit gjallëruese të këtij libri, e të ndihet një njeri krejt tjetër. Bukuria e këtij romani qëndron në faktin se nuk fsheh asgjë. Ai nxjerr në dritë se si dashuria e të rinjve dhe problemet e rritjes janë në të vërtetë. Aq sa lidhen Miles dhe Alaska pas njëri – tjetrit, aq do të lidheni dhe ju pas tyre."

The Guardian