Titulli: Psikologjia e popujve dhe e turmave
Origjinali: The Psychology of Peoples; The Crowd: A study of the Popular Mind
Gjinia: Psikologji
Autori: Gustave Le Bon
Shqipëroi: Vullnet Muço
Shtëpia botuese: Fan Noli
Viti: 2012
Fq. 290
Pesha: 0.313 kg.
ISBN: 978-99943-52-31-9
Mbi Librin
Një nga veprat më me ndikim të fushës së psikologjisë sociale në histori, ky libër është një mjet që ka krijuar këtë fushë studimi përmes analizimit në detaje të sjelljes së masave. Ky libër ka pasur ndikim të thellë jo vetëm mbi Frojdin por edhe në mjeshtrat e shekullit të njëzetë të kontrollit të turmave si Hitleri apo Musolini – të cilët mund të kenë përdorur vëzhgimet e tij si udhërrëfyes për të ndezur pasionet e turmave. Në fjalët e autorit, “Masat nuk kanë qenë kurrë të etura për të vërtetën. Kushdo që i furnizon ata me iluzione bëhet me lehtësi padroni i tyre; kushdo që përpiqet të shkatërrojë iluzionet e tyre do të bjerë gjithmonë viktimë e tyre.” Megjithëse ky libër përqendrohet te psikologjia e turmës, ai është gjithashtu shumë instruktues mbi efektet e besimeve gjerësisht të pranuara të qytetarisë së një kombi mbi proceset e historisë. Mes temave të mbuluara këtu janë karakteristikat e përgjithshme dhe uniteti mendor i turmës; ndjenjat dhe moraliteti i turmës; idetë e saj, fuqia arsyetuese dhe imagjinata; opinionet dhe besimet e turmës dhe mjetet e përdorura nga udhëheqësit për t’i bindur; klasifikimi i turmave, përfshirë grumbullimet kriminale dhe ato të elektrizuara, si dhe funksionimin e jurive penale dhe asambleve parlamentare. Një libër i domosdoshëm për t’u lexuar nga studentët e historisë, sociologjisë, ligjit dhe psikologjisë, Psikologjia e Popujve dhe e Turmave është gjithashtu i paçmuar për politikanët, shtetarët, investitorët dhe menaxherët e marketingut. Çdo studim i sjelljes së turmës, psiologjisë popullore, fashizmit e të tjera mundet fare mirë të fillojë me punën e Le Bon.
Fragment nga libri
Së bashku me karakterin duhet të kesh edhe idetë si një nga faktorët kryesorë të evolucionit të një qytetërimi. Ato veprojnë vetëm kur pas një evolucioni shumë të ngadalshëm janë shndërruar në ndjenja. Çdo qytetërim rrjedh nga një numër shumë i vogël i ideve kryesore të pranuara nga të gjithë.
Midis ideve më të rëndësishme udhëheqëse të ndonjë qytetërimi ndodhen edhe idetë fetare. Nga ndryshimi i besimeve fetare kanë rrjedhur drejtpërdrejt shumica e ngjarjeve historike. Historia e njerëzimit ka ecur gjithmonë paralelisht me historinë e perëndive të tij.
Këto pjella të ëndërrimeve tona kanë një pushtet aq të fortë saqë edhe numri i tyre nuk mund të ndryshohet pa u lëkundur e gjithë bota. Lindja e perëndive të reja ka përkuar gjithmonë me agimin e qytetërimeve të reja dhe zhdukja e tyre ka qenë gjithmonë edhe rënia e këtyre qytetërimeve.
