• Banner

Këngë e verdhë zogu në mesnatë, Alisa Veliaj

Poezitë e Velajt botohen gjerësisht në gazeta dhe revista në gjuhën angleze, por jo vetëm. Në vitin 2014, Alisa Velaj ka hyrë në shortlistën e çmimit prestigjoz të poezisë “Erbacce Prize Poetry Award” në Angli. Në fushën e studimeve letrare, Velaj mban titullin shkencor “Doktore e Shkencave Filologjike”.

1 000 Lekë
Sasia
Në gjendje

Përshkrimi

Titulli: Këngë e verdhë zogu në mesnatë

Origjinali: Këngë e verdhë zogu në mesnatë

Gjinia: Poezi

Autori: Alisa Veliaj

Shtëpia botuese: Onufri 

Viti: 2021

Fq.272

Pesha: 0.406 kg

ISBN: 978-9928-313-83-6

Ky libër është në gjuhën shqipe

Mbi autorin

Alisa Velaj ka lindur në nëntor të vitit 1982 në qytetin e Vlorës. Është autore e katër vëllimeve me poezi: “Përanash Flakës”, “Tej kthellës së epërme”, “Shtjellë reje, shtjellë zjarri” dhe “Hareja në ajrin e një kocke fyelli”. “Shtjellë reje, shtjellë zjarri” është vlerësuar nga Ministria e Kulturës si vëllimi më i mirë poetik i vitit 2019.

Poezitë e Velajt botohen gjerësisht në gazeta dhe revista në gjuhën angleze, por jo vetëm. Në vitin 2014, Alisa Velaj ka hyrë në shortlistën e çmimit prestigjoz të poezisë “Erbacce Prize Poetry Award” në Angli. Në fushën e studimeve letrare, Velaj mban titullin shkencor “Doktore e Shkencave Filologjike”.

“Këngë e verdhë zogu në mesnatë” vjen si antologji e poezive të saj përgjatë 20 viteve.

Komente mbi librin

Ky libër sjell një poezi me plot gojën, domethënë një vetëshprehje të bukur, një zbrajze në vargje e në struktura poetike të atyre situatave kur ekzistenca jonë si avulli në enën në vlim del përtej nesh, prek në përjetësinë e natyrës e mbase rroket me të, rroket aty në eter ku fantazmat tona përpëlitëse kthehen në qëndrueshmëri fjalësh, pra në pëlhurë të endur prej fjalësh poetike. Poetja ka arritur një shkallë të merituar të pjekurisë poetike dhe ka shënuar arritje që nuk janë vetëm brenda vazhdimësisë së saj krijuese.

                                                                    Sadik Bejko “Shtjellë reje, shtjellë zjarri”

“Tej kthellës së epërme” i autores Alisa Velaj është një vëllim poetik që vjen në letërsinë shqipe, si konfigurim i vlerës artistike dhe estetike të poezisë postmoderne shqiptare, por dhe si një gjurmë drite drejt atij udhëtimi të pandalshëm të përkryerjes fjalë, duke përafruar e unisuar vlerat shpirtërore universale një me mendimin më bashkohor e elitar sot!

                                                                    Agron Shele “Tej kthellës së epërme”

 

Poezia e saj vjen si një ankth i brishtë i arratisur nga rutina e përdit- shmërisë drejt magjisë së natyrës. Ajo shqetësohet vetëm për furtunat që trandin  shpirtin e saj. Vargjet i gjen ndër damarët e  ujërave të heshtura që rrjedhin gjithnjë nën tokë. Ndalon aty ku dielli i zjarrtë shuhet në blunë e detit, aty ku cicërimat e zogjve struken te Shtëpia e Këngës… e zgjon melodi të pamehshme e autentike brenda vetes.

                                                             Ledia Dushi “Hareja në ajrin e një kocke fyelli”

 

Kur lexon poezitë e Velajt, para syve të hapen dallgëzime detesh, pemë, lule… Një panoramë e pafundme imazhesh, duke të krijuar në mendje tinguj të dhjetëra llojeve të muzikës: ison labe, arie, vaje, këngë dasmash, ninulla, e deri së largu, te muzika kelte. Nëse një të verbëri, që kurrë nuk e ka parë dritën e kësaj bote do t’i lexoheshin këto poezi, ai patjetër do të krijonte imazhet e ngjyrave dhe përceptimin e botës. Një kahje drejt së natyrshmes, së bukurës dhe vitales. Me një leksik të përzgjedhur si rrjedhë mjalti, butë, duke qumështuar shpirtërat njerëzorë.

                                                                       Shqiponja Axhami

 

Detajet e librit
Bashkëngjitje
Shkarkime
KATËR HAPA PER TE POROSITUR

Udhëzues i shkurtër mbi procesin e porositjes së librave nëpërmjet faqes tonë.

Shkarkime (292.13KB)
16 libra të tjera në këtë kategori:

Botuesi: Dritëro

Prit edhe pak, Dritëro Agolli

Aspak s'e kisha menduar se do të botoja tani edhe një libër tjetër me vjersha në një kohë, kur i kam kaluar të 80 – të vitet dhe kur, siç i thotë Nilo Milto Sotir Gurrës "ata andej nga varrezat po na e bëjnë me sy".

Çmimi 950 Lekë
More
Në gjendje

Botuesi: Albas

Në intimitet, Rita Petro

E lirë dhe pasionante është Rita Petro në jetë, e tillë edhe poezia e saj: një rast ky atipik për letrat shqipe, kur thelbi i poezisë së një autori përputhet me thelbin e qenies së tij. Dhe rezultati është aq i perceptueshëm, sa efekti i tij gati të tremb: Rita Petro u jep shpirt pasioneve që ne të shumtit nuk guxojmë t'i rrokim as me mendje!

Çmimi 500 Lekë
More
Në gjendje

Botuesi: Onufri

Ndoshta dashuri, Rexhep Ferri

Rexhep Ferri ecën drejt të qenësishmes brenda baraspeshës së masave, të elipsave, të lëvizjeve që kryqëzohen. Ai e ka ndjeshmërinë dhe dhuntinë për të përdorur kështu një gjeometri skajshmërisht të kuptueshme, ku ndeshen, do të thoshim, gravitacionet e tokës dhe të materies... 

Çmimi 1 250 Lekë
More
Në gjendje

Botuesi: Onufri

Kalorësit e shiut, Sadik Bejko

"Nuk është e vështirë të dallosh vargjet e ngrohta, plot mendime, që kanë gjithmonë një rrjedhë të vetvetishme, të Sadik Bejkos... Dhe jam i bindur se nuk e ekzagjeroj aspak po të përmend se shumë vjersha të Sadik Bejkos (...) janë në nivelin e mirë të poezisë sonë në plan nacional". Ismail Kadare

Çmimi 1 500 Lekë
More
Në gjendje

Botuesi: Princi

Duke kërkuar Itakën, Frederik Rreshpja

Për Frederik Rreshpjen, një nga poetët e rëndësishëm shqiptarë të shekullit XX, gjithçka ka qenë e vonuar. E tillë, e vonuar, ka qenë hyrja dhe njohja e tij në letrat shqipe, pastaj rikthimi, më saktë njohja e dytë, pas fatkeqësisë komuniste, që ka qenë në radhë të parë fatkeqësia e tij.

Çmimi 1 200 Lekë
More
Në gjendje
Përshtypjet (0)