• Banner

Libri i tiranive, Ismail Syla
  • Libri i tiranive, Ismail Syla

Libri i tiranive, Ismail Syla

Autori ka pranëvënë si një "urdhër" superior e me një renditje të përkryer jetësore, korelative e perspektive para gjërave më të shenjta të njeriut, si Lirisë, Zgjimit, Bukurisë, Lisit, apo Proverbave shqipe, Robërisë, Vetmisë, Kaosit etj., fjalën prozaike "tirani" ose "gjithëpushteshmëri", që përdoret në leksikun e zakonshëm e aktiv, si sundim absolut e despotik, si të ishin bash Zotat tanë.

700 Lekë
Sasia
Në gjendje

Përshkrimi

Titulli: Libri i tiranive
Origjinali: Libri i tiranive
Gjinia: Poezi
Autori: Ismail Syla
Shtëpia botuese: Toena
Viti: 2016
Fq. 196
Pesha: 0.201 kg.
ISBN: 978-9928-205-47-6

Koment nga Kujtim Dashi

Pasi i shkon deri në fund vëllimit poetik "Libri i tiranive" të Ismail Sylës, të pushton vetvetiu një ndjenjë keqardhjeje se si është e mundur, që në dy republika shqiptare me një kufi formal e paradoks mosbashkimi gjeopolitik të tyre, të kemi këtë nivel ende të pakënaqshëm të njohjes e të shkëmbimeve reciproke të vlerave të mirëfillta letrare e artistike në mes të njëri-tjetrit dhe, në të njëjtën kohë, pushtohesh nga gëzimi e kënaqësia se një libër i tillë, me siguri, do të kapërcejë këtë "kufi" hëpërhë shqiptaro-shqiptar, duke u botuar nga "Toena". Libri i tiranive!

Autori ka pranëvënë si një "urdhër" superior e me një renditje të përkryer jetësore, korelative e perspektive para gjërave më të shenjta të njeriut, si Lirisë, Zgjimit, Bukurisë, Lisit, apo Proverbave shqipe, Robërisë, Vetmisë, Kaosit etj., fjalën prozaike "tirani" ose "gjithëpushteshmëri", që përdoret në leksikun e zakonshëm e aktiv, si sundim absolut e despotik, si të ishin bash Zotat tanë.

Me "tiranitë" e sipërpërmendura, autori i njohur Ismail Syla ka krijuar sistemin e tij poetiko-koordinativ të mirëmenduar si një tabelë poetike "mendelejeviane", për ta shijuar bukurinë e shprehjes poetike origjinale e metaforike të tij dhe, në aspektin më utilitar, për ta orientuar artistikisht e estetikisht lexuesin shqiptar drejt tiranive a superioriteteve reale e thelbësore të jetës së tij të trazuar historikisht, që ushqehen në filozofinë e pedagogjinë popullore si dhe në përvojat vetjake.

Këtë vëllim poetik do ta quaja si një enciklopedi poetike të botës shqiptare e shkruar me një frymëzim e me plot gjetje e imazhe poetike të fuqishme, mençurore e humane, me një strukturë kompozicionale polifonike të mirëthurur e të mbajtur gjatë, siç duket në mendjen e tij, si kryemotiv, si kryekëngë e vademekum vlerash shpirtërore, që zbulohen ca nga ca si një bukuri nën duvak.

Fakti që nën çdo poezi vihet, madje me saktësi e detaje, vendi dhe kohëlindja e çdo poezie, si një lloj biografie a konturi ekzakt poetik dëshmon preokupimin e vazhdueshëm të autorit që është gjithkund i pranishëm dhe i ngarkuar në kurriz bletërisht me këto tirani, që formësojnë konstitucionin shpirtëror të popullit tonë apo duan ta përsosin atë, të djeshmen, të sotmen e të ardhshmen, si realitet, dëshirë, ëndërr a përjetim konkret i çastit apo i ditës, prej nga burojnë vetvetishëm në vargjet e tij poetike, të cilat e tregojnë aq sa një bard, që udhëton i menduar me fjalën e mençur dhe vargun, aq dhe një lirik i ndjeshëm, projektori metaforik i të cilit ka arritur të depërtojë deri në pejzat më të holla të shpirtit njerëzor.

Gjithëpushtetshmëritë apo tiranitë e Ismail Sylës nisin nga "Tirania e robërisë" me katër vargje kuitesenciale poetike, që i bën një prerje prolog apo "uverturë" të historisë sonë kombëtare me një gjuhë poetike sentencioze. Dy jetë korbi zgjati nata mbi tokën tonë/ Dhe galat glasitën njëqind vjet me radhë/ Ati ynë, sa yje këtë qiell e bëjnë të kaltër/ Dhe sa Drinër e bëjnë këtë dhé të bardhë.

Dhe, si të ngrejë një piramidë të tiranisë së rëndë të robërisë shumëllojmëria dhe pesha e së cilës, varg pas vargu, strofë pas strofë dhe me një kreshendo të admirueshme, ia mbërrin qëllimit.

Dhe, për një arsye tjetër, pasi brenda piramidës nistore të Robërisë, në perëndimin e pashmangshëm të saj, autori ka zbuluar fillesat e një piramide tjetër himn, më të shenjtë e më universale, atë të Lirisë, për ta ngritur atë fuqishëm si bajrak i patundur për të gjithë breznitë, duke e populluar edhe me emra frymëzues të cilët do t'i marrë e rimarrë edhe në "Tiranitë" e tjera, në kontekste të tjera a në portretizime të shkëlqyera, si atë të Lirisë, Zgjimit, të Bukurisë, të Lisit etj., apo dhe duke ngritur edhe tiranitë e tjera si karakollë prej të cilave duhen ruajtur breznitë e reja të kërcënuara prej tinzanive të pabesa, brenda dhe jashtë vetes...

Gjithashtu, ciklet brenda "Tiranive" janë jo vetëm një gjetje interesante, por dhe njëra më e bukur se tjetra, pra të një tonaliteti unik cilësor. Të bien në sy notat e mprehta humoristike e, shpeshherë sarkastike, të qëmtuara a të krijuara prej Ismail Sylës, prirja e thekshme drejt të vërtetave universale që gjenden në mençurinë popullore a në këngët e popullit tonë, çmjegullimi i sentencave të njohura apo njëfarë deheroizimi, tonet polemizuese e retoriko-aksiomatike, por dhe të shtruara siç janë përcjellë e përcillen nga brezi në brez përvojat a të vërtetat universale, duke iu kundërvënë paradokseve konceptuale të bartura a të krijuara nga gjeneratat e reja rishtazi.

"Libri i tiranive" shquan për një pasuri të madhe gjuhësore burimore gjithëkombëtare e mjetesh stilistikore poetike, çka e bën më të dashur për lexuesin.

Detajet e librit
Bashkëngjitje
Shkarkime
KATËR HAPA PER TE POROSITUR

Udhëzues i shkurtër mbi procesin e porositjes së librave nëpërmjet faqes tonë.

Shkarkime (292.13KB)
Ndoshta mund të pëlqejë edhe

Referenca: SKU000140

Botuesi: Ideart

Udha, Xhevahir Spahiu

Xhevahir Spahiu është një nga poetët më të mirë që ka Shqipëria, poet me një shprehje të fuqishme metaforike, me përplasje idesh, me një frymë lirike dhe zhvillim dramatik të vargut, me një figuracion të plotë, por kryesisht me ide të thella, tronditëse.

Çmimi 2 000 Lekë
More
Ka mbaruar
16 libra të tjera në këtë kategori:

Referenca: SKU001542

Botuesi: Ideart

Ndreqje gabimesh, Arian Leka

Libri është konceptuar si një poemë me 4 pjesë dhe 17 këngë. Ai është fitues i çmimit “Lasgush Poradeci”, si libri poetik më i mirë i vitit 2010, me poemën “Ndreqje gabimesh”, me këtë vlerësim: “Për monologun e subjektit poetin kompozuar përmes imazheve metafizike, intime e meditative, si rrugë e komunikimit maksimal me trajtat e rrëshqitshme të femrës,...

Çmimi 500 Lekë
More
In Stock

Referenca: SKU000627

Botuesi: Te tjere

Diku, dike, dikush, Edmond Shallvari

Titulli: Diku...Dikë...Dikush... Poezi Autori: Edmond Shallvari Enti botues: Dija Vendi dhe Viti: Pogradec; Mars, 2008 f. 96 Pesha: 0.07 kg.   Mbi Librin dhe Autorin Edmond Shallvari ka lindur në qytetin e Korçës më 1957. Ka kryer studimet e

Çmimi 300 Lekë
More
In Stock

Referenca: SKU001775

Botuesi: Tirana Times

Ngjarje ne toke, Prec Zogaj

Ngjarje në tokë, një përmbledhje e veprës së poetit dhe politikanit shqiptar Preç Zogaj, flet për përvojën kolektive të popullit shqiptar gjatë periudhës që çoi drejt rënies së komunizmit në Europën Lindore dhe menjëherë pas saj.

Çmimi 1 000 Lekë
More
In Stock

Referenca: 2089

Botuesi: Onufri

Lirika mes dy moteve, Martin Camaj

Në këtë syzim, autori i kësaj përmbledhjeje lirikash nuk qëllimon t'i paraqesë vetveten lexuesve. Nga ana tjetër, poezia nuk lyp shpjegime, edhe ajo flet për veten në atë formë e strukturë që ka. Ka vetëm një trajtë të qëllueme e të drejtë, një radhitje fjalësh, gjithmonë në gjuhën amtare.

Çmimi 800 Lekë
More
Ne gjendje

Referenca: SKU000139

Botuesi: Ideart

Strabizem, Arian Leka

Ajo që e bën të bukur poezinë e Arian Lekës, tek "Anija e Gjumit", është afrimi me eksperimentin e avangardës, një çudi kaleidoskopike dhe përpjekje për shpjegimin e epistemës sonë, shenja që e bëjnë këtë krijimtari të jetë unikale.

Çmimi 500 Lekë
More
Ne gjendje

Botuesi: OMBRA GVG

Ëndrra si re, Marg Shilipa

Marga qëndis si nikoqire e mirë një oqean të thellë ritmesh e ndjenjash, duke ia dhuruar lexuesit me forcën dhe delikatesën e gruas. Ajo end ngadalë, vargje pa bujë, shpesh herë e mbyllur brenda guaskës intime, ashtu si zogjtë thurin me art majë pemëve të larta foletë e tyre, për të qenë më pranë yjeve dhe qiellit.

Çmimi 700 Lekë
More
Në gjendje

Botuesi: Onufri

Kalorësit e shiut, Sadik Bejko

"Nuk është e vështirë të dallosh vargjet e ngrohta, plot mendime, që kanë gjithmonë një rrjedhë të vetvetishme, të Sadik Bejkos... Dhe jam i bindur se nuk e ekzagjeroj aspak po të përmend se shumë vjersha të Sadik Bejkos (...) janë në nivelin e mirë të poezisë sonë në plan nacional". Ismail Kadare

Çmimi 1 500 Lekë
More
Në gjendje

Botuesi: Pegi

Katër lexime për një poezi, Entela Tabaku

 Kjo metodë zbatohet këtu në shtatëmbëdhjetë poezi të botuara në përmbledhje, revista apo internet në dhjetëvjeçarin e fundit nga poetë të lindur në vitet shtatëdhjetë. Por lexuesi, me ndihmën e këtij doracaku, mund ta zbatojë lehtësisht në poezitë e përzgjedhura vetë. Ky lloj leximi është si filli i Arianës që të çon tek poezia e mirë, sepse vetëm poezia...

Çmimi 500 Lekë
More
Në gjendje
Përshtypjet (0)