Udha, Xhevahir Spahiu

Titulli: Udha, vëllimi i parë dhe i dytë
Origjinali: Udha, vëllimi i parë dhe i dytë
Gjinia: Poezi
Autori: Xhevahir Spahiu
Shtëpia botuese: Botime Poeteka
Viti: 2015
Fq. 480
Pesha: 0.701 kg.
ISBN: 978-9928-4265-3-6

Mbi librin

Ky është një botim në dy vëllime i veprës së plotë poetike të Xhevahir Spahiut nga viti 1970 deri në vitin 2013. Në vëllimin e parë janë përfshirë botimet poetike: "Mëngjez sirenash" (1970), "Vdekja Perëndive" (1977), "Zgjimi i thellësive" (1979), "Agime shqiptare" (1981), "Nesër jam aty" (1981), "Heshtje s'ka" (1989), "Kohë e krisur" (1991).

Ndërsa në vëllimin e dytë janë përfshirë botimet: "Ferrparajsa" (1994), "Pezull" (1996), "Rreziku" (2003) dhe "Vetëtimë" (2013).

Komente mbi autorin

"Xhevahir Spahiu është një nga poetët më të mirë që ka Shqipëria, poet me një shprehje të fuqishme metaforike, me përplasje idesh, me një frymë lirike dhe zhvillim dramatik të vargut, me një figuracion të plotë, por kryesisht me ide të thella, tronditëse."

Dritëro Agolli

"Muza poetike e Xhevahir Spahiut nuk ngjizet, as nuk shpërthen në truall të butë, aq më pak në truall indiferent. Përkundrazi, duke qenë natyrë krijuese e pasioneve të forta, natyrë e pasioneve të tërësishme, duke qenë natyrë e shquar e guximit krijues e intelektual."

Ali Aliu

"Si një sizmograf modern, poezia e Xhevahir Spahiut ka shënuar gjurmët e tërmeteve të jetës me sinjalet e fjalës artistike. Ai foli kur ia kërkuan fjalën peng dhe heshti kur i kërkuan shpalljen e manifestave. Ai është rob i poezisë dhe zot i saj njëherësh."

Shaban Sinani

"Ai nuk flet, ai vetëm këndon."

Nuhas Sopaj