Titulli: Manual i Fikhut Hanefi
Gjinia: Fe
Autori: Imam Merginani
Shtëpia botuese: Qendra Studimore Fetare Erasmus
Viti: 2017
Fq. 424
Pesha: 0.441 kg.
ISBN: 978-9928-4085-5-6
Mbi librin
Emri i plotë i autorit është Burhanudin Ebu el – Hasan Ali Bin Ebi Bekr bin Abd el – Xhelil el – Fargani el – Merginani (530 – 593 h./ 1135 – 1197 e.s.). Lindur në Uzbekistanin e sotëm, autori njihet si një nga dijetarët më të spikatur të medhhebit hanefi. Ky libër është një përkthim dhe komentim i kapitujve mbi pastërtinë, namazin dhe agjërimin të manualit hanefi "Bidajeh el – Mubtedi" (Fillimi i fillestarit) të Imam Merginanit.
Ky është një manual i mirënjohur i jurisprudencës islame. "Bidajeh el – Mubtedi" ka shërbyer, po ashtu, si tekst bazë për veprën "el – Hidajeh" të Imam Merginanit, e cila konsiderohet një nga kryeveprat e shkollës juridike hanefite.
Teksti i manualit është pajisur me komente dhe shënime nga Rezart Beka. Komenti ka si synim t'i japë mundësinë lexuesit të orientohet sa më lehtë nëpër tekstin e manualit dhe të formojë një kuptim të saktë mbi të. Qëllimi përfundimtar është t'i jepet lexuesit një tekst i cili përfshin në mënyrë të plotë dhe të renditur çështjet që trajton, pa qenë as tej mase i detajuar dhe as shumë i shkurtër.
Gjuha e përdorur në koment është mbajtur larg toneve polemike dhe shpesh herë në të janë përmendur me respekt edhe mendimet e shkollave të tjera juridike. Libri është i dobishëm si për ata që sapo hedhin hapat e para në fenë islame, ashtu edhe për të gjithë ata që, ndonëse praktikojnë Islamin prej vitesh, ndjejnë mungesën e një teksti i cili do t'u japë mundësinë të organizojnë në mënyrë të renditur dhe të argumentuar saktë dijet që zotërojnë.
