Titulli: Gjak si boja
Origjinali: Tintenherz
Gjinia: Roman
Autori: Cornelia Funke
Shqipëroi: Doreida Gedaj Kafexhiu
Shtëpia botuese: Dudaj
Viti: 2013
Fq. 588
Pesha: 0.601 kg
ISBN: 978-99943-0-333-5
Fragment nga libri
Megi lexoi për të njëqindtën herë letrën që u kishte shkruar prindërve:
-Shumë i dashur Mo! E dashur Resa! Ju lutem të mos shqetësoheni. Faridi duhet të gjejë Gishtpluhurin e ta paralajmërojë për rrezikun e Bastës, ndaj dhe unë po shkoj me të. Nuk dua të qëndroj gjatë, dua vetëm të shoh Pyllin e Paudhë dhe Princ Proshutën, Kozimo të Bukurin dhe ndoshta edhe Princin e Zi dhe ariun e tij.
Dua të shoh sërish zanat dhe njerëzit-qelq dhe Fenolion. Ai do të më sjellë sërish këtu. Ju e dini se ai mundet. Mos u shqetësoni. Bricjapi nuk është më atje. Shihemi së shpejti, një mijë puthje. Megi.
Mbi autoren
Autorja gjermane Cornelia Funke u lind në Dorsten, Westfallen. Pas diplomimit, punoi për tre vjet si punonjëse sociale pranë fëmijëve në vështirësi. Më pas ndoqi një kurs për ilustrim librash në Hamburg. Ky pasion i hershëm i saj, bashkë me shkollimin, bënë të mundur më pas që ajo t'i ilustronte vetë librat e saj.
Ka shkruar më se 20 romane e libra të ilustruar për fëmijë. Librat e saj janë kthyer sakaq në bestseller. "Mbreti i hajdutëve", "Zemër si boja" dhe "Kalorësi i dragoit" janë ekranizuar. Cornelias i ka pëlqyer gjithnjë të lexojë libra me fantazi dhe të shkruar mirë, sidomos nga autorë anglishtfolës, si J.R.R.Tolkien me "Kryezotin e Unazave", "Kronikat e Narnias" të Lewis dhe "Piter Panin".
