Titulli: Or'e Fundit (kopertinë e trashë)
Origjinali: Or'e Fundit
Gjinia: Proza letrare dhe dokumentare
Autori: Lumo Skëndo
Shtëpia botuese: Onufri
Fq. 204
Pesha: 0.401 kg
ISBN: 978-99943-42-29-7
Mbi autorin
Lumo Skëndo, emri artistik i Mithat Frashëri (1880-1949), u takon atyre personaliteteve të botës shqiptare që, me veprën e tyre të gjithanshme, u bënë shtylla të kulturës sonë kombëtare në dekadat e para të shekullit të njëzetë.
I dalë prej një dere patriotësh të mëdhenj, por edhe intelektualësh të mëdhenj, duke qenë bir i Abdyl Frashërit dhe nip e nxënës i Naimit dhe i Samiut, ai jo vetëm ndoqi udhën e tyre atdhetare-iluministe, por krijoi edhe individualitetin e tij të spikatur intelektual dhe artistik. Ai bëri emër të nderuar si shkrimtar dhe publicist, studiues dhe punëtor i palodhur i kulturës shqiptare.
Prandaj injorimi i figurës dhe i veprës së tij për afro gjysmë shekulli, siç përftoi në fakt zbrazëti në studimet tona dhe në rrjedhat e letërsisë shqipe. Lumo Skëndo u shfaq në jetën shqiptare në dekadën e fundit të Rilindjes, kur në qiellin e letërsisë sonë po ngjitej plejada e Faik Konicës, Fan Nolit, Luigj Gurakuqit, Gjergj Fishtës.
Ishte ky brez i ri letrarësh dhe veprimtarësh atdhetarë që, duke mos e ndarë artin nga dituritë dhe duke u njohur atyre rolin militant në çështjen e çlirimit të atdheut, synoi dhe punoi për një emancipim të gjithanshëm të jetës shpirtërore të popullit, për një frymëmarrje më të gjerë të njeriut shqiptar.
