Vepra e plote, Georg Buchner

Titulli: Vepra e plotë
Origjinali: Vepra e plotë
Gjinia: Drama
Autori: Georg Büchner
Shqipëroi: Ardian Klosi
Shtëpia botuese: K & B
Viti: 2010
Fq. 240
Pesha: 0.31 kg
ISBN: 978-99956-840-3-7

Koment nga autori

Studiova historinë e revolucionit. E ndieja veten të asgjësuar nga fataliteti i neveritshëm i historisë. Shikoj në natyrën njerëzore një njëtrajtësi të tmerrshme, shikoj në rrethanat njerëzore një dhunë të pashmangshme, e cila u është dhënë të gjithëve dhe asnjërit.

Individi është vetëm shkumë përmbi dallgë, madhështia është thjesht rastësi, sundimi i gjeniut lojë kukullash, një luftë qesharake kundër një ligji të hekurt, më e larta gjë është ta njohësh atë, më e pamundura ta sundosh... Duhet: ja një nga fjalët më të mallkuara me të cilat e pagëzojnë njeriun... Ç'është ajo gjë brenda nesh që gënjen, vret, vjedh?

Mbi autorin

Georg Büchner (1813 – 1837) lindi në familjen e një mjeku. Qysh gjatë periudhës së studimit të mjekësisë dhe filozofisë i kushtohet krijimtarisë letrare, sidomos dramës. I frymëuar nga përmbysjet shoqërore në Francë, ku studion për një periudhë në Strasburg, përpiqet të ngrejë në këmbë bashkëkombasit gjermanë me Shoqatën për të drejtat e njeriut dhe pamflete politike kundër një regjimi parazitar gjysmë – feudal.

Pasi vihet në hetim nga autoritetet, arratiset në Francë, më pas kalon si lektor në universitetin e Zyrihut, ku vdes pas një sëmundjeje në moshën 23 vjeçare. Me dramate tij, sidomos "Vdekja e Dantonit" dhe "Vojcek" si dhe me tregimin "Lenci", Büchner është një shekull para kohës së tij, ai paralajmëron epokën e modernes me trajtimin e thellë psikologjik, gati të pamëshirshëm të karaktereve dhe vërtetësinë e rrethanave që kthjellon.