Titulli: Zonja Bovari dhe Tre rrëfime (kopertine e trashe)
Origjinali: Madame Bovary, Trois contes
Gjinia: Roman
Autori: Gustave Flaubert
Shqipëroi: Hysen Sinani
Shtëpia botuese: Zenit Editions
Viti: 2021
Fq. 488
Pesha: 0.572 kg.
ISBN: 978-9928-293-22-0
Ky libër është në gjuhën shqipe
Mbi librin
Dhe ndërkaq, ndërmendem se sot dhe këtu, pra nëpër shkrimtarinë tonë, më problematik se sa lexuesi është rëndom vetë shkruesi (shkrimtari, siç quhet, shpallet, ose vetëquhet këtu), një krijesë gjysëm zonjë gjysëm madamë, gjysmë Sharl e gjysëm Bovari. Gjysëm Evë gjysëm Adam. Profili i vërtetë i shëmtisë dhe mediokritetit.
Nuk kam lek, i them atij që nuk mund ta botoj ngase thjesht ajo që ai shkruan nuk vlen. “Lekët i kam vetë” përgjigjet. Atëhere zgjedh zgjidhjen tjetër: nuk e bëj dot për para, i them. “Okej, më thuaj të paktën si shkrimtar atë që mendon për veprën time, se për të botuar kollaj është”, pyet ky.
Po ja, mbase do duhej të kishe patur durimin ta shihje prapë librin, nga e para, ose thjesht të merreshe me gjëra më me leverdi! “Pikërisht, e bëj për lek, për të patur lexues”, ma pret ky. Mirëpo, më shpesh kjo vjen po kaq e përligjur edhe nga ana e përkundërt: “E kam parasysh, por nuk e bëj për lexuesin, as nuk më intereson, nuk e bëj për lek.” Dhe është fshehja më efikase e mungesës së talentit për ata të prapë që mbase dhe e dyshojnë apo e ndjejnë që talentin s’e kanë. Dhe gjithaq, paqja më e mbarë e shpirtit për ata të gjorë që as nuk dinë gjë që s’kanë haber në kësi punësh. Dhe prapë shkruajnë, e prapëseprapë kërkojnë të botojnë. Nëmos këtu, aty diku. Dhe botojnë prapë. Dhe prapë shkruajnë… dëshminë e pakontestueshme të mediokritetit të vetes. Dhe prapë funsionon. Edhe kur nuk funksionon aq sa do donin, janë po këta që qahen të parët, gjer pse këtu nuk ka kritikë. Nuk gjejnë rehat, si Bovaria. Por nuk e helmojnë veten kurrë, helmojnë letërsinë.
”Duaje artin, ndër tërë gënjeshtrat mbetet ende ai që gënjen më pak”, tha Floberi. Atë po bëjmë, apo jo, thonë këta dhe si zhgrapin ashtu si me stil nga biseda ndonjë subjekt që mendojnë se iu hyn në punë, ikin ta bëjnë... me subjektin… edhe një tjetër libër... edhe pa stilin.
