Kryevepra e panjohur, Honore de Balzak

Titulli: Kryevepra e panjohur (në shqip dhe frëngjisht)
Origjinali: Le Chef – d'œuvre inconnu
Gjinia: Roman
Autori: Honore dë Balzak
Shqipëroi: Krenar Zejno
Shtëpia botuese: Zenit Editions
Viti: 2011
Fq. 120
Pesha: 0.146 kg
ISBN: 978-9928-113-04-7

Komente mbi veprën

"Balzaku vdiq i drobitur nga puna, nga mendimi dhe pasioni; asoj pasioni, dua të them, që ai e pat tretur në projektin e vet të pamatë dhe që e kishte dominuar si një ndëshkim zotash."

"Mësimi prej mjeshtrave", Henri James

"Kur e marr në shenjë dhe ia ngul sytë pikturës, e përpij me sy, është një lloj dehjeje...kur çohem si nëpër terr ju thoni që jam ca si i çmendur...ide fikse e pikturës...Frenhofer!"

Cezanne

"Kjo është mrekullia e Frenhoferit: që në fund nuk shihet tjetër gjë veç vetvetes. Për shkak të kërkimit të pareshtur të realitetit ai bie në obskuritet. Ka aq shumë realitete të ndryshme saqë, duke dashur t'i përqafosh të tëra, përhumbesh në terr."

Picasso

"Fundi i Kryeveprës është më i kobshëm se vetvrasja e artistit. Ashtu si tek Van Gogh, korbat e mortjes së tablosë së fundit janë më të zinj se vdekja e tij. Dhe, aq më keq, nëse Frenhoferi po lëshon këtu kumtin që paranjofton edhe një formë eutanazie arti, kjo do të ishte vetë gjëma e këtij arti. Vetvrasja e artistit pse nuk e gjen publikun e artit të tij, është ku e ku më pak se vetvrasja e artit ngase nuk e gjen më artistin që do të mishërojë."

"Këmba e të panjohurës", K. Zejno