Titulli: Shqiptarët në Luftën e Dytë Botërore 1939 – 1943, vëllimi i parë
Origjinali: Shqiptarët në Luftën e Dytë Botërore 1939 – 1943, vëllimi i parë
Gjinia: Histori
Autori: Paskal Milo
Shtëpia botuese: Toena
Viti: 2014
Fq. 472
Pesha: 0.691 kg.
ISBN: 978-9928-4245-2-5
Koment nga autori
Një histori për Luftën e Dytë Botërore në terrenin shqiptar bart gjithnjë me vete rrezikun e keqkuptimeve e të gjykimeve subjektive. I thirrur nga ndërgjegjia profesionale dhe nga detyra qytetare për të nderuar 70 – vjetorin e çlirimit të Shqipërisë nga pushtimi nazifashist, i dhashë vetes të drejtën, por edhe mundimin që për gjithë një vit të shkruaj librin "Shqiptarët në Luftën e Dytë Botërore". I menduar në dy pjesë, lexuesi sot merr në dorë vetëm vëllimin e parë.
I nxitur nga kërkesa e natyrshme, e përhershme dhe objektive e rishkrimit të historisë, libri ka ambicien për të sjellë fakte, interpretime dhe analiza të reja. Arkivat shqiptare kanë ende pasuri dokumentare të pazbuluara e të pashfrytëzuara për Luftën, pa folur për arkivat e huaja, e sidomos ato të vendeve fqinje.
Libri ka një numër të atillë dokumentesh të cilat kanë ndihmuar që ngjarje të caktuara të shihen e të interpretohen në një këndvështrim të ri, ndryshe nga e kaluara, ose të qartësohen e të përforcohen gjykime që nuk kanë patur mbështetje dokumentare të mjaftueshme.
