Hebrenjte ne trojet shqiptare, Edmond Malaj

Titulli: Hebrenjtë në trojet shqiptare
Origjinali: Hebrenjtë në trojet shqiptare
Gjinia: Histori
Autori: Edmond Malaj
Shtëpia botuese: Qendra e Studimeve Albanologjike
Viti: 2012
Fq. 412
Pesha: 0.67 kg
ISBN: 978-9928-141-07-1

Komente mbi librin
"Historia e hebrenjve në Shqipëri vitet e fundit ka qenë objekt i disa botimeve me karakter shkencor apo popullarizues. Ky botim i Edmond Malajt është i fundit në rend kohor, dhe si i tillë ka privilegjin të një tradite të krijuar tashmë në Shqipëri mbi studimet hebraike. Por duhet shtuar që, edhe pse autori mbështetet gjerësisht në punime të mëparshme të autorëve të tjerë shqiptarë, studimi i tij dallon mes tyre, është një studim mirëfilli origjinal. Ai ka zgjedhur një përqasje gjithëpërfshirëse, historinë e hebrenjve ai e vendos brenda kuadrit të gjerë të historisë së popullit hebre, në përgjithësi të kulturës, traditave e religjionit të tyre të veçantë. Kjo i bën të mundur lexuesit zbërthimin e kësaj enigme siç është identiteti i veçantë hebraik, gjë pa të cilën do të ishte e vështirë të kuptohej çdo realitet i veçantë i tyre, përfshi edhe ai shqiptar. "Hebrenjtë në trojet shqiptare" e autorit të ri Edmond Malaj përbën një arritje të shënuar të tij dhe me siguri do të meritojë interesimin e lexuesit shqiptar." Prof. Dr. Pëllumb Xhufi "Libri i Dr. Edmond Malajt, parë në këtë këndvështrim na vjen në dy dimensione të reja: së pari, libri në fjalë është më gjithëpërfshirësi deri më sot për këtë tematikë, si në rrafsh diakronik ashtu edhe në rrafsh sinkronik; së dyti, autori ka njohur punimet e kryera deri më sot dhe rezultatet e tyre dhe pa asnjë dyshim them se ai ka ngritur në një shkallë më të lartë nivelin njohës në Shqipëri për hebrenjtë dhe për hebraizmin." Aso. Prof. Dritan Egro Mbi autorin Dr. Edmond Malaj ka studiuar dhe është diplomuar në Filologjinë Gjermane dhe Shkencat e Përkthimit në Institutet e Gjermanistikës të universitetit "Luigj Gurakuqi" në Shkodër dhe të Karl – Francens – Universitӓt Grac, Austri (2000 – 2005), është doktoruar në vitin 2007 në filologjinë gjermane në Institutin e Gjermanistikës Karl – Francens – Universitӓt Grac dhe më 2009 është diplomuar në Shkencat e Religjionit në Fakultetin Teologjik – Katolik të Karl – Francens – Universitӓt Grac për tri fetë monoteiste Judaizëm, Krishterim dhe Islam. Aktualisht, punon si kërkues shkencor në Institutin e Historisë (Departamenti i Mesjetës) pranë Qendrës së Studimeve Albanologjike, Tiranë.