Titulli: Të njohim ilirët
Origjinali: Të njohim ilirët
Gjinia: Histori
Autori: Luan Përzhita
Shtëpia botuese: Botart
Viti: 2009
fq. 64
Pesha: 0.101 kg.
ISBN: 978-99943-807-7-0
Mbi librin
Të dashur nxënës,
Ju në klasë të katërt do të mësoni historinë e bukur të popullit tonë, e cila është e mbushur plot me ngjarje. Faqet e para të historisë fillojnë me stërgjyshërit tanë: Ilirët. Libri “Të njohim Ilirët” do t’ju ndihmojë, që të plotësoni njohuritë tuaja mbi jetën e mbretërve ilirë dhe luftërat e tyre kundër pushtuesve të ndryshëm. Po ashtu do të njiheni me qytetet e bukura dhe të mëdha të Ilirisë: Dyrrahun, Apolloninë, Skodrën, Lisin, Bylisin dhe Buthrotin.
Në këtë libër do të mësoni për jetën e ilirëve të lashtë, si ata prodhonin veglat e punës, shkrinin metalet, ndërtonin qytetet, anijet e shpejta, si punonin tokën dhe ruanin prodhimet bujqësore, si ishin veshjet e tyre etj. Këtu do të mësoni se, nga ilirët ne kemi trashëguar gjuhën tonë shqipe, mikpritjen, besën, trimërinë dhe dashurinë për atdheun. - Autori 1. Vendi ku jetonin ilirët.
Me emrin “ilir” në kohë të lashta, njihej popullsia që banonte në pjesën më të madhe të Ballkanit, buzë detit Adriatik dhe Jon. Në gjuhën e sotme shqipe “ilir” do të thotë “i lirë”. Vendi ku jetonin fiset e lashta ilire quhej Iliri, ndërsa banorët e saj ilirë. Në fillim popujt e tjerë të lashtë njihnin me emrin ilir vetëm ata që banonin buzë bregdetit Adriatik. Me vonë u zbuluan se shumë fise ilire jetonin edhe në vende të tjera të Gadishullit Ballkanik. Të gjitha këto fise ilire flisnin një gjuhë dhe kishin zakone të përbashkëta.
