Titulli: Pranë Lindjes, kujtime nga fronti në Bashkimin Sovjetik dhe në Jugosllavi në vitet 1937 - 1939
Origjinali: Eastern Approaches
Gjinia: Histori, kujtime
Autori: Fitzroy Maclean
Shqipëroi: Aleksandër Koli
Shtëpia botuese: Ombra GVG
Viti: 2016
Fq. 536
Pesha: 0.725 kg.
ISBN: 978-9928-06-165-2
Koment nga autori
Për mua, pjesë e magjisë së Rusisë ka qenë përherë paparashikueshmëria e saj – aspekti i historisë së saj që rri varur si gur dhe e mban njeriun duke menduar se ç'do të ndodhë më pas. Ka ardhur koha të pyesim veten: Ku shkon Bashkimi Sovjetik? A do të arrijë të qëndrojë i bashkuar?
Çfarë lloj sistemi do të dalë nga furra e shkrirjes ku ndodhet tani? Në kohën që e shkruaja këtë libër, përgjigjja nuk ishte gjetur ende. Kësaj radhe, ndryshe nga pesë – dhjetë vjet më parë, perspektivat janë inkurajuese.
Ky libër përmbledh periudhën tetëvjeçare, 1937 – 1945, të përvojës në frontin e Luftës së Dytë Botërore. Me kërkesën time, në shkurt të vitit 1937, pas një jete të magjishme e të këndshme në ambasadën tonë në Paris, më dërguan në Moskë, që më dukej një vend shumë interesant dhe eksitues.
Vitet që kalova atje, 1937 – 1939, qenë vitet më të tmerrshme në tërë historinë e përgjakur të Rusisë. Ato më ndihmuan të formoj një mendim të qartë mbi atë sistem, që çuditërisht, mjaft prej bashkëkohësve të mi, u dukej sikur afronte shpresa të mëdha për njerëzimin.
Ato vite më bënë gjithashtu të pëlqej jo thjesht rusët, por edhe disa prej racave krejt të ndryshme që hasa gjatë udhëtimeve të mia në Kaukaz dhe në Azinë Qendrore. U largova nga Moska në fillim të vitit 1939, i shokuar dhe i magjepsur nga ato që pashë, dhe ndërsa udhëtoja për në Europë, atë pranverë të mbarsur me re të zeza, vrisja mendjen se çfarë do të sillte e ardhmja për Bashkimin Sovjetik, ose më saktë, për çdonjerin nga ne.
Komente mbi autorin
"Fitzroy Maclean ishte një nga personazhet e mëdha dhe shumë komplekse të shek. 20. Bazuar mbi karakterin dhe tiparet e Macleanit, miku i hershëm i shkollës, gjenerali dhe shkrimtari Ian Fleming krijoi personazhin e përbotshëm, James Bond."
Five Books Review
"Pranë Lindjes" i Fitzroy Maclean është padyshim libri më i mirë mbi Luftën e Dytë Botërore..."
Richard Busten
Mbi autorin
Gjeneral major Fitzroy Maclean, i lindur në 1911, u diplomua në Eton në Kolegjin Mbretëror në Universitetin e Kembrixhit. Ai ka punuar me forcat speciale britanike dhe me urdhërin e aleatëve gjatë Luftës së Dytë Botërore, në Frontin e Lindjes dhe në Afrikën Veriore.
Gjenerali Fitzroy Maclean është veteran i Luftës së Dytë Botërore. Përveç detyrës si diplomat, në disa kryeqytete të Europës, ka shërbyer në frontin e Bashkimit Sovjetik dhe në Jugosllavi për disa vjet.
Ka qenë anëtar i parlamentit nga viti 1941 deri në 1974. Është nderuar me urdhërat më të lartë për shërbimet e kryera gjatë luftës dhe pas mbarimit të saj në Mbretërinë e Bashkuar, Bashkimin Sovjetik, Francë, Kroaci etj. Vdiq në vitin 1996.
