Titulli: Figura të historisë kineze (kopertinë e trashë)
Gjinia: Histori
Shtëpia botuese: Onufri
Viti: 2014
Fq. 272
Pesha: 0.532 kg
ISBN: 978-9928-186-03-4
Mbi librin
"Figura të historisë kineze" trajton jetën dhe veprimtarinë e personaliteteve të famshme që ka nxjerrë Kina gjatë historisë së vet mjëravjeçare. Rrëfimet për mbretërit Yan Di, Huang Di, Yao, Shun dhe Yu, që jetuan në periudhën deri në shekullin e 16 – të para erës sonë, janë nxjerrë nga shënimet e historianëve të lashtësisë në bazë të gojëdhënave popullore, ndërsa tregimet për jetën dhe veprimtarinë e dhjetëra figurave historike, që nga Cheng Tang – u, i cili themeloi dinastinë skllavopronare Shang në shekullin e 16 – të para erës së re, e deri te Sun Yat Sen – i, udhëheqësi i revolucionit demokratik kinez në fillim të shekullit të 20 – të, janë përpunuar mbështetur në librat klasikë historikë dhe pasqyrojnë ngjarje të vërteta.
Bota e sotme po bëhet gjithnjë e më e ndërvarur, prandaj është shtuar edhe nevoja që popujt e vendeve të ndryshme ta njohin sa më mirë historinë, kulturën, mendësinë, doket dhe zakonet e njëri – tjetrit, për të shtuar mirëkuptimin e ndërsjellë dhe për të krijuar marrëdhënie sa më harmonike mes tyre.
Për ta bërë edhe më të njohur te publiku shqiptar një prej qytetërimeve më të vjetra, më të pasura e më të veçanta në botë, siç është ai kinez, CRI Shqip në bashkëpunim me shtëpinë botuese "Onufri", botojnë serinë e librave për historinë dhe kulturën kineze.
Kjo seri përbëhet nga katër libra: "Tregime dhe legjenda kineze", "Tridhjetë e gjashtë skemat strategjike dhe taktike", "Figura të historisë kineze" dhe "Idioma kineze".
