• Banner

Graal, shpirti i humbur i Evropes, Bujar Kule

Vepra e autorit Bujar Kule të lë mbresë, sepse jo thjesht për faktin që është shkruar në stilin e mbresave e përshtypjeve, por edhe të refleksioneve deduktive plot logjikë dhe si një dukuri kërshërindjellëse. Vepra ka një numër të madh faktesh dhe po ashtu faqesh dhe sido që të jetë lexohet me një frymë.

2 000 Lekë
Sasia
Ne gjendje

Përshkrimi

Titulli: Graal, shpirti i humbur i Evropës dhe historia e mohuar e Alba – Gens
Origjinali: Graal, shpirti i humbur i Evropës dhe historia e mohuar e Alba – Gens
Gjinia: Histori
Autori: Bujar Kule
Shtëpia botuese: Uegen
Viti: 2013
Fq. 728
Pesha: 0.931 kg
ISBN: 978-9928-03-158-7

Mbi librin

Vepra e z. Bujar Kule, një autor i panjohur në letrat shqipe, vjen si "rrufe në qiell të kthjellët", pasi është tronditëse dhe jo thjesht përshkruese, e shkruar me stil të rrjedhshëm, nga një dorë e sigurt dhe plot fantazi, krahasime, legjendë, histori, interpretim, koherencë, simbolikë dhe kërshëri letrare njëkohësisht, nën një shqyrtim befasues të historisë dhe krahasueshmëri interesante.

Vepra e autorit Bujar Kule të lë mbresë, sepse jo thjesht për faktin që është shkruar në stilin e mbresave e përshtypjeve, por edhe të refleksioneve deduktive plot logjikë dhe si një dukuri kërshërindjellëse. Vepra ka një numër të madh faktesh dhe po ashtu faqesh dhe sido që të jetë lexohet me një frymë.

E tëra kjo i jep pikë autorit, e ngre atë lart dhe kjo do të jetë një analizë brenda dukurisë interpretuese historike, sociologjike, gjuhësore, e legjendës dhe e parashtrimit mitik të analizës së fakteve. Te lexosh veprën e z. Bujar Kule është kulturë. Të interpretosh veprën e z. Bujar Kule është korrektesë dhe kulturë.

Ta analizosh veprën e z. Bujar Kule është patjetër shkencë dhe po nuk pate çelësin e saj të duket sikur ke lexuar diçka tërheqëse, thjesht kalimthi, por pa mundur të futesh dot thellë. Kjo është edhe merita e madhe e këtij autori, i cili me sa duket pas një pune të gjatë studiuese, hulumtuese, kulturologjike dhe krahasuese, arrin më së fundi në përgjithësime tërheqëse, pa dashur ta vështirësojë leximin, duke i dhënë një lloj elegance herë klasike dhe herë të tjera siluruese, ngacmuese dhe joshëse.

Vepra e z. Bujar Kule ia ka arritur qëllimit. Ajo është shkruar bukur, me shprehje të qarta, me stil, me ndjenjë dhe me siguri. Botimi i saj do të jetë me siguri një ngjarje e rëndësishme në fushën e letrave. Duket sikur po thur një panergjik, por jo, vepra është e madhe, e fuqishme dhe tërheqëse, si një bukuri e fshehur, disi e mjegullt dhe pastaj na dritësohet ngadalë – ngadalë me rreze dielli. Autori me siguri do ta mbajë fort këtë përgjegjësi të madhe dhe të "egër" që ka hedhur krahëve të tij, për të na dhënë vepra të tjera po me këtë stil dhe po me këtë dashuri të shkruari.

Koment nga autori

Për herë të parë e "takova" Graalin në skenat e filmit të regjisorit Steven Spielberg, "Indiana Jones dhe Kryqëzata e Fundit" (1989) në të cilin rrëfehet se si arkeologu aventurier Indiana Jones, pothuajse pa dëshirën e tij, detyrohet të vihet në kërkim të objektit të mistershëm të quajtur "Graal" dhe papritmas zbulon se në kërkim të tij ishin vënë edhe nazistët e Rajhut të Tretë.

Nëse vetitë legjendare të Graalit do të ishin të vërteta dhe jo thjesht pjellë e fantazisë njerëzore, nazistët do të mund ta përdornin forcën e tij për të shtrirë pushtetin e tyre mbi mbarë botën, por Indiana Jones nuk mund të lejonte që bota të sundohej nga forcat e errësirës (nazistët!).

Së fundmi pas një sërë aventurash dhe skenash që të linin pa frymë, arkeologu amerikan do të bënte që plani i nazistëve për të shtënë në dorë Graalin aq të dëshiruar, të dështonte duke shpëtuar kështu mbarë botën nga sundimi nazist.

Të entuziazmuar nga filmi, në mënyrë thuajse të pandërgjegjshme, unë dhe shoku im i ngushtë me të cilin kishim ndarë gjatë fëmijërisë dhe rinisë sonë të hershme aq trishtime dhe gëzime, vendosëm që të "niseshim" në kërkim të Graalit.

Eureka! Gjetëm shpjegimin që kërkonim... apo më saktë vetëm pak më shumë nga ajo që ndërkohë dinim! Fjalori e përshkruante Graalin si një gotë prej smeraldi me të cilën kishte pirë Krishti në darkën e fundit, ku njëfarë Josifi nga Arimatea kishte mbledhur më pas gjakun, që rrodhi nga plaga e Krishtit në kryq, që centurioni romak Longino i kishte shkaktuar me heshtën e tij.

Më pas enciklopedia shpjegonte, përciptazi se ishin të shumta romanet të cilat përhskruarnin historinë e kërkimit të Graalit nga kalorësit e mbretit Artur. Është thuajse e kotë të them se shpjegimi i fjalorit na zhgënjeu!

Edhe në film, Graali përshkruhej si gota që kishte përdorur Krishti në darkën e fundit dhe që më pas kishte mbajtur gjakun e tij, por në ndryshim nga fjalori, në film, në një skenë të fundit zbulohej se Graali – grotë nuk ishte prej smeraldi dhe madje as prej floriri, por prej druri. Në fund të fundit, Krishti kishte qenë vetëm një marangoz i varfër!

Detajet e librit
UEGEN
Bashkëngjitje
Shkarkime
KATËR HAPA PER TE POROSITUR

Udhëzues i shkurtër mbi procesin e porositjes së librave nëpërmjet faqes tonë.

Shkarkime (292.13KB)
Ndoshta mund të pëlqejë edhe

Referenca: SKU000049

Botuesi: Botimet Dudaj

Gjaku i Shenjte, Grali i Shenjte

Sekreti më tronditës i dy mijëvjeçarëve të fundit Botimi i parë i “Gjaku i Shenjtë dhe Graali i Shenjtë” në vitin 1982, pra 25 vjet më parë, ndezi një stuhi mbarëbotërore kontradiktash, jehonash të cilat ende po kumbojnë në mbarë botën perëndimore.

Çmimi 1 000 Lekë
More
Ka mbaruar
16 libra të tjera në këtë kategori:

Botuesi: Dy lindje dhe dy perëndime

Fryma e përgjithshme, Thomas Paine

Publikuar fillimisht në mënyrë anonime më 10 janar 1776, Fryma e përgjithshme është eseja që kontribuoi në formimin e Shteteve të Bashkuara përmes argumentimit në favor të një qeverisjeje egalitare. Ky është libri që u shit dhe qarkulloi me shumicë, duke u lexuar me zë të lartë nëpër tavernat e luftëtarëve të Revolucionit Amerikan dhe sot e kësaj dite...

Çmimi 500 Lekë
More
Në gjendje

Referenca: SKU000037

Botuesi: Botimet Dudaj

Histori me mbret, Armir Shkurti

Gazetari Armir Shkurti ka përmbledhur mbresat e tij nga 55 ditët e vitit 1997, kur i biri i Ahmet Zogut, Mbreti Leka i Parë, testoi shansin e vet duke hedhur referendum për kthimin e monarkisë në një vend që nuk po largohej dot nga traumat e skemave piramidale dhe rënies së përgjithshme të shtetit.

Çmimi 600 Lekë
More
Ka mbaruar

Referenca: 2636

Botuesi: IDK

Bota pas-amerikane, Fareed Zakaria

Fuqia po zhvendoset nga Perëndimi drejt pjesëve të tjera të botës. Zhvillimi i vendeve të tilla si India, Kina, Brazili, Rusia, Afrika e Jugut po krijon një panoramë të re në skenën botërore. Sot ndërtesat më të larta, digat më të mëdha, telefonat celularë më të avancuar s'bëhen më as në Amerikë e as në Europë.

Çmimi 800 Lekë
More
Ne gjendje

Referenca: SKU001968

Botuesi: Botart

Atje larg ne fund te botes, Pirro K. Andoni

e hapa dokumentin, kishte gjithsej tri faqe të shkruara në spanjisht. Në të bëhej fjalë për lidhjet e Mehmet Shehut me CIA - n. Përshkruhej komploti për likuidimin e Enver Hoxhës dhe zotimi i tij për të ndryshuar kursin politik të Shqipërisë, duke i dhënë një drejtim të ngjashëm me atë të Jugosllavisë.

Çmimi 1 000 Lekë
More
Ka mbaruar

Referenca: SKU000212

Botuesi: Cabej

Epoka e ekstremeve, i rrëmbyeri shekull i njëzetë Eric Hobsbawm

"Epoka e ekstremeve, i rrëmbyeri shekull i njëzetë" me tri ndarjet e mëdha kronologjike: Epoka e Katastrofës, Epoka e Artë dhe Shembja e Madhe, shkruar me këndvështrimin e njeriut që beson në arsyen dhe në shkencën e, po aq, në mundësinë e përmirësimit  të së ardhmes së njerëzimit.

Çmimi 1 200 Lekë
More
Ka mbaruar

Referenca: SKU000930

Botuesi: Te tjere

Malli per memedhene, Batjar dhe Sokol Bega

Albumi "Malli Për Mëmëdhenë",  është një ndërthurje e vjershave të vjershëtorëve tanë që i këndojnë Shqipërisë, me fotografi me bukuritë e rralla të natyrës shqiptare të krahinave të ndryshme të vendit tonë dhe me dorëshkrime të vërteta të vjershëtorëve shqiptarë të sjella në këtë album. 

Çmimi 4 000 Lekë
More
Ne gjendje
Përshtypjet (0)