Gegërishtja verilindore, Xheladin Gosturani

Titulli: Gegërishtja verilindore
Gjinia: Studime/Gjuhësia/Albanologjia
Autori: Xheladin Gosturani
Shtëpia botuese: Berk
Viti: 2020
Fq. 456
Pesha: 0.490 kg
ISBN: 9789928462749
Ky libër është në gjuhën shqipe

Mbi librin

Në një kohë kur lëvizjet e mëdha demografike të këtyre tri dekadave të fundit thuajse e patën shuar shpresën se varieteti i gegërishtes verilindore do të dokumentohej me të njëjtin përkushtim shkencor siç qe dokumentuar varieteti i gegërishtes veriperëndimore, shfaqet ky studim sirtari, i ruajtur falë kujdesit të trashëgimtarëve të Gosturanit. Pas një detajimi të përimtë të shpërndarjes gjeografike të gegërishtes verilindore brenda dhe jashtë kufijve aktualë të Republikës së Shqipërisë, autori zbërthen tipret e qenësishme dhe dalluese fonetike, morfologjike e leksikore të saj.

Një studim i tillë i mirëpritur dhe deri më sot i munguar nuk do kuptuar thjesht si një inventar të dhënash dialektore, por si një burim i pakohë të dhënash që na mundësojnë vendosjen në kohë e në hapësirë të teksteve tona të vjetra filologjike, te të cilat shumë pyetje ende nuk kanë marrë përgjigje. E po ashtu do konsideruar edhe si një ndihmesë e madhe për të ripërcaktuar lëvizjet e popullatave shqipfolëse në ag të kohëve, kohë të cilat nuk e njohën dëshminë historiografike.