Titulli: Masa dhe pushteti, vëllimi i parë
Origjinali: Masse und Macht
Gjinia: Filozofi
Autori: Elias Canetti
Shqipëroi: Aristidh Ristani
Shtëpia botuese: Elena Gjika
Viti: 2007
Fq. 361
Pesha: 0.401 kg.
ISBN: 978-99943-963-3-7
Mbi librin
Me veprën e vëllimshme sociologjiko – filozofike "Masa dhe pushteti", Elias Kaneti ka pasur si qëllim të japë ndihmesën e vet për shpjegimin e kthesave rrënjësore politike, sociale e kulturore në Europën e shekullit të njëzetë.
Lidhur me këtë, kritikët vënë në dukje se gjer më sot nuk ka libër tjetër që të merret me problemet e shoqërisë bashkëkohore në një mënyrë kaq të përqendruar sa "Masa dhe pushteti", dhe shtojnë se masa dhe pushteti janë koncepte themelore për të kuptuar epokën tonë.
Kjo vepër përfshin në të njëjtën shkallë edhe aspekte nga fushat e antropologjisë, të etnologjisë e të psikologjisë dhe lexuesi e ndien se aty trajtohen çështje që kanë të bëjnë drejtpërdrejtë me të, se aty mendohet për fatin e tij. Kjo vepër cilësohet si një arritje e shkëlqyer, si një rrugë krejt origjinale në ritrajtimin e historisë dhe të psikologjisë së masës.
"Masa dhe pushteti" është opus vitae, është vepër e një jete. Jo e jetës së një universitari ose e jetës së një studiuesi, por e jetës së një shkrimtari, i cili, me stilin e vet të ndritur, me forcën dhe me shkëlqimin e mënyrës së të shprehurit, arrin ta bindë lexuesin për shpjegimet shkencore që jep.
Në këtë vepër, së cilës i ka kushtuar 35 vjet të veprimtarisë së vet krijuese, Kaneti përpunon një teori të tërë ndërlidhjesh midis dukurive të masës dhe të gjitha aspekteve të pushtetit. E veçanta e kësaj vepre është se autori i saj shkruan në një gjuhë të thjeshtë e të kuptueshme për të gjithë, duke pasur kujdes që të mos e mbushë me terma të ndërlikuar shkencorë.
Ai i lë çështjet të hapura për t'u interpretuar nga kushdo që ka interes në fushën përkatëse. "Masa dhe pushteti" është një vepër gjithnjë aktuale, dhe autori i saj një stilist i madh, sikurse e ka njohur tashmë lexuesi ynë nëpërmjet trilogjisë së tij autobiografike.
