Konkuista e Amerikës, Tzvetan Todorov

Titulli: Konkuista e Amerikës, Çështja e "tjetrit"
Origjinali: The Conquest of America
Gjinia: Shkenca sociale, filozofi
Autori: Tzvetan Todorov
Shqipëroi: Primo Shllaku
Shtëpia botuese: Pika pa sipërfaqe
Viti: 2015
Fq. 328
Pesha: 0.322 kg.
ISBN: 978-9928-185-07-5

Fragment nga libri

Spanjollët e fitojnë luftën. Në mënyrë të padiskutueshme, ata kanë epërsi ndaj indianëve në pikëpamje të komunikimit ndërnjerëzor. Por fitorja e tyre është problematike, sepse nuk ekziston vetëm një formë e vetme komunikimi, një dimension i vetëm i aktivitetit simbolik...

Njeriu ka nevojë të komunikojë sa me botën, aq edhe me njerëzit. Takimi i Montezumës me Cortès – in, i indianëve me spanjollët, pikësëpari është njerëzor. Dhe s'ka asgjë për t'u çuditur nëse specialistët e komunikimit njerëzor dalin fitimtarë.

Por kjo fitore, bij të së cilës ne të gjithë jemi, europianë dhe amerikanë, i jep njëkohësisht një goditje të fortë aftësive tona për t'u ndier në harmoni me botën, si dhe për t'i përkitur një rendi të paracaktuar. Ajo ka për rrjedhojë ndrydhjen e thellë të komunikimit të njeriut me botën dhe krijimin e iluzionit se çdo komunikim është komunikim ndërnjerëzor.

Heshtja e zotave peshon sa në kampin e europianëve, aq edhe në atë të indianëve. Duke fituar nga njëra anë, europiani humbte anën tjetër. Imponimi i sundimit të tij mbi të gjithë globin me anën e epërsisë, bëri që ai të shkallmonte brenda vetes aftësinë e integrimit të tij me botën.

Gjatë shekujve që do të pasojnë, europiani do të ëndërrojë për të egrin e mirë. Por i egri ka vdekur ose është asimiluar, dhe kjo ëndërr është e destinuar të mbetet shterpë. Fitorja ishte tashmë e mbarsur me disfatën.

Mbi autorin

Tzvetan Todorov u lind në Bullgari më 1939. Që pas studimeve universitare në Paris në vitet '60, ai kthet në një prej studiuesve më të rëndësishëm të letërsisë së semiotikës në Francë dhe Europë. Është autor i shumë veprave, ndër të cilat: "Hyrje në letërsinë fantastike" (1970), "Kritika e kritikës" (1984), "Mihail Bahtin, parimi dialogjik" (1981), "Fryma e ilumizmit" (2006) dhe "Letërsia në rrezik" (2007).